| e-texts navigator |
| བོད་ཡིག |
156a1 shes med pa/ 'du byed med pa/ rnam par shes pa med pa'i de bzhin nyid kyi rang bzhin mi zad pa/ zad par byar mi rung ba/ zad pa dang bral ba dang mi mnyam pa/ mi mnyam pa dang mnyam pa/ rnam
156a2 par shes pa ma yin pa/ khams bzhi las yang dag par 'das pa/ chos thams cad la ma chags pa'i mthar phyin pa/ yang dag pa'i mtha' mtha' med pa de bzhin nyid dang mnyam pa ste/ de ltar de bzhin
156a3 gshegs pa'i sku ni yon tan dpag tu med cing grangs med pa dang ldan pa yin no/ /de bzhin gshegs pa'i 'bel ba'i gtam gyi tshan nyid ni 'di lta bu yin te/ phra ba'i tshig dang / shin du rtogs par
156a4 dka' ba dang / shin du byang ba dang / shin du zab pa ste/ phyi rol pa rnams dang / nyan thos dang / rang sangs rgyas de dag gis sngon tshig dang yi ge gcig kyang ma thos te dmus long du gyur cing dug gi mdzod du
156a5 gyur pa dang / grum por gyur cing rgas par gyur pa/ srid pa'i sgo nga'i sbubs kyis g.yogs pa/ gru zhigs pa/ dug gis phog pa'i zug rngus yongs su myos par byas pa/ mkhris pas brgyal zhing sems
156a6 rnam par 'khrul par byas pas nyan thos dang / rang sangs rgyas thams cad dang / sems can thams cad gso ba'i cho ga chen po skyug pa dang bkru ba'i sbyor ba dang / gsang sngags dang / yang dag
156a7 pa'i rig sngags brjod cing chu'i bum pa thogs te ha la ha la'i dug gi zug rngu dbyung ba'i don dang / yongs su mya ngan las 'das pa'i sgra'i bad kan dang mkhris pa snying la zhugs pa gcad pa'i don dang /
156a8 de dag gi lto rnam par sbyang ba'i don dang / de dag gi dug gis skrangs par gyur pa gtar ba'i don dang / phye ma leb dang / sbur bu lta bur gyur pa de dag dug gis phog pa dang 'chi ba yongs su shes
iiif viewer powered by OpenSeadragon
Texts on this page
J175 - 'phags pa sprin chen po zhes bya ba theg pa chen po'i mdo