| e-texts navigator |
| བོད་ཡིག |
147a1 phyem red kyi dus kyi tshe rang rang gi gnas nas byung nas/ bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ bcom ldan 'das
147a2 la lan gsum bskor ba byas nas 'od ma'i tshal bya ka lan da ka gnas pa'i phyogs gcig tu go bzung ngo / /yang de'i tshe gangs kyi ri la gnas pa'i sman gyi tshogs kyi lho ma rnams phyem red kyi dus
147a3 kyi tshe rang rang gi gnas nas byung nas/ bcom ldan 'das ga la ba der dong ste lhags nas/ bcom ldan 'das la lan gsum bskor ba byas te ri'i mchog bya rgod kyi phung po la mdzes par 'khod nas/
147a4 bcom ldan 'das ga la ba de logs su thal mo sbyar ba btud de/ rgyal po'i khab bya rgod phung po'i ri dang bcas pa thams cad snang bar byas nas phyogs gcig tu 'khod do/ /yang de'i tshe rnga dang / rnga bo che dang / cang
147a5 te'u dang / dung dang / lcags kyi sil krol dang / hi na Di ma dang / khar rnga dang / rdza rnga chen po dang / bal bi sa dang / pi bang dang / rdza rnga kha gcig pa dang / dril bu dang / gling bu dang / shu ka dang / ka na la la
147a6 sogs pa ma brdungs/ ma bcos/ ma blangs par sil snyan gyi sgra dang / yid du 'ong ba'i sgra byung ngo / /yang de'i tshe bcom ldan 'das la sri zhu bya ba'i phyir nags rnams dus ma yin par me tog rgyas shing /
147a7 dus ma yin par 'bras bu dang / lcug phran dang / dog pa rnam pa sna tshogs rab tu rgyas pas bya rgod kyi phung po'i ri la shin du bkram mo/ /yang de'i tshe gangs kyi ri la gnas pa'i seng ge'i rgyal po
147a8 rin chen pad ma zhes bya ba seng ge'i rgyal po 'bum phrag du ma dang lhan gcig tu phyem red kyi dus kyi tshe rang rang gi gnas nas byung nas/ bcom ldan 'das ga la ba der dong ste lhags nas/ bcom ldan
iiif viewer powered by OpenSeadragon
Texts on this page
J175 - 'phags pa sprin chen po zhes bya ba theg pa chen po'i mdo