| e-texts navigator |
| བོད་ཡིག |
133a1 ba'i sems can rnams kyis zang zing ni rnam pa du mar myong gi/ 'jig rten las 'das pa'i chos kyi ro ni nam yang ma myong ste/ 'jig rten pa ni ma yin no/ /rigs kyi bu gang la las stong gsum
133a2 gyi stong chen po'i 'jig rten gyi khams su gtogs pa'i sems can rnams dge ba bcu'i las kyi lam rnams la bkod pa bas/ gang gis chos kyi rnam grangs 'di nyan tam/ 'dzin tam/ 'chang ngam/ klog
133a3 gam/ kun chub par byed dam/ gzhan dag la yang rgya cher ston na/ de bas 'di bsod nams ches mang du skyed do/ /de ci'i phyir zhe na/ rigs kyi bu dge ba bcu'i las kyi lam rnams ni 'di las byung ngo / /
133a4 rigs kyi bu gang la la zhig gis stong gsum gyi stong chen po'i 'jig rten gyi khams su gtogs pa'i sems can rnams rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom
133a5 pa nyid kyi 'bras bu la bkod pa bas kyang chos kyi rnam grangs 'di nyan tam/ 'dzin tam/ 'chang ngam/ klog gam/ kun chub par byed dam/ gzhan dag la yang rgya cher ston na/ de bas 'di bsod nams
133a6 ches mang du skyed do/ /de ci'i phyir zhe na/ rigs kyi bu chos 'di nyid la brten na/ nyan thos dang / rang sangs rgyas rnams snang bar 'gyur ro/ /chos 'di nyid la brten na byang chub sems dpa' rnams
133a7 snang bar 'gyur ro/ /chos 'di nyid la brten na de bzhin gshegs pa rnams 'jig rten du 'byung bar 'gyur te/ rigs kyi bu chos kyi rnam grangs 'di gzung ba dang / klag pa dang / spel ba dang / kha
133a8 ton byas pas mdo sde thams cad gzung ba dang / klag pa dang / spel ba dang / kha ton byas par 'gyur ro/ /de ci'i phyir zhe na/ rigs kyi bu 'di ni chos thams cad kyi ma mo ste/ rigs kyi bu chos nyid
iiif viewer powered by OpenSeadragon
Texts on this page
J174 - 'phags pa dkon mchog sprin zhes bya ba theg pa chen po'i mdo