rKTs

e-texts navigator

Volume

Page

132b₁ stag snang bar gyur to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'chi ba de yang byang chub sems dpa' de dag la chos ston par snang ste/ brgya byin dang / tshangs pa
132b₂ dang / 'jig rten skyong ba bye ba khrag khrig brgya stong du mas yongs su bskor cing byang chub sems dpa' bye ba khrag khrig brgya stong du mas mdun du bdar te/ 'di ltar chos nyid 'di kho na brtsams nas chos ston par
132b₃ snang bar gyur to/ /de nas lha mo mi 'chi ba yang ting nge 'dzin de las langs te/ bcom ldan 'das la lan gsum du g.yas phyogs su bskor ba byas nas de nyid du mi snang bar gyur to/ /de nas bcom ldan
132b₄ 'das la byang chub sems dpa' sgrib pa thams cad rnam par sel bas 'di skad ces gsol to/ /bcom ldan 'das rigs kyi bu dang / rigs kyi bu mo gang chos kyi rnam grangs 'di nyan tam/ 'dzin tam/ 'chang
132b₅ ngam/ klog gam/ kun chub par bgyid dam/ kha ton bgyid dam/ gzhan dag la yang rgya cher yang dag par ston par bgyid na/ de bsod nams ji tsam zhig skyed par 'gyur/ bcom ldan 'das kyis
132b₆ bka' stsal pa/ rigs kyi bu 'am/ rigs kyi bu mo gang la la zhig gis stong gsum gyi stong chen po'i 'jig rten gyi khams su gtogs pa'i sems can rnams la sbyin pa lhug par byin te/ de ltar sbyin pas
132b₇ bskal pa brgya stong mang por byin pa bas/ rigs kyi bu 'am/ rigs kyi bu mo gang gis chos kyi rnam grangs 'di legs par bris legs par zhus te/ sems dad pas sems dad pa la byin na/ de bas
132b₈ kyang 'di bsod nams ches mang du skyed do/ /rigs kyi bu de ci'i phyir zhe na/ zang zing gi sbyin pa ni phran tshegs te/ chos kyi sbyin pa ni rdzu 'phrul che ba'o/ /de ci'i phyir zhe na/ rigs kyi bu 'khor ba nas 'khor

_{iiif viewer powered by OpenSeadragon}

132a - 133a

Texts on this page