| e-texts navigator |
| བོད་ཡིག |
314b1 de bzhin gshegs pa ste 'jig rten du byung la/ da ltar bdag gis ni dpal gyi go 'phang thob pa lags so/ /da ltar bdag gis sems can rnams la sems can yongs su smin par rngo mi thog par gyur pa de ci'i slad du
314b2 zhe na/ 'di na klu glang po che lta bu dang / klu rta lta bu dang / klu sbrul lta bu dang / klu nya lta bu dang / klu sbal pa lta bu de dag dus 'dir yang bsgrub par bgyid lags so/ /bdag gis 'jig rten snang bar byed pa zab mo dag bstan
314b3 pa na gang dag dus ma lags pa'i lhags pa dang / tsha ba dang / sprin dang / khug rna dang / rdzi char dang / char mo che dang / than chen dag 'byung bar bgyid pa/ sems can rnams kyi lo tog dang / lo ma dang / me tog dang / 'bras bu
314b4 dang / 'bru dang / sman rnams ma rung bar bgyid pa'i klu dang / klu chen po de dag ma bskrad lags so/ /btsun pa bcom ldan 'das dus 'dir da ltar gling bzhi pa'i 'jig rten gyi khams 'di na klu dang / klu chen po dang /
314b5 klu'i 'khor dang / skyes pa dang / bud med dang / khye'u dang / bu mo dang / gling bzhi pa 'di na gang kha cig klu'i skye gnas pa de dag thams cad da ltar 'dir mchis pa rnams dang / phyogs bcu'i sangs rgyas kyi zhing thams cad
314b6 nas byang chub sems dpa' sems dpa' chen po de dag da ltar 'dus pa chen po 'dir mchis pa rnams dang / da ltar 'dir lha dang / klu dang / gnod sbyin dang / srin po dang / dri za dang / mi 'am ci dang / lha ma yin dang /
314b7 lto 'phye chen po dang / yi dags dang / sha za dang / srul po dang / lus srul po 'dus pa thams cad dang / bcom ldan 'das kyi nyan thos mi dang mi yin pa de dag da ltar 'dus pa chen po 'dir chos nyan pa'i slad du/
314b8 bcom ldan 'das kyi spyan sngar mchis pa'i sems can de dag thams cad zas bzhi la rten cing 'tsho bar bgyid lags so/ /btsun pa bcom ldan 'das da lta'i dus su klu khro bo phung bar bgyid pa dag zhi bar mdzad du
iiif viewer powered by OpenSeadragon
Texts on this page
J173 - 'dus pa chen po theg pa chen po'i mdo sde las de bzhin gshegs pa'i dpal gyi dam tshig ces bya ba theg pa chen po'i mdo