| e-texts navigator |
| བོད་ཡིག |
314a1 than chen dang / zla ba dang / nyi ma dang / gza' dang / rgyu skar dang / nyin mtshan dang / zla ba dang / zla ba phyed pa dang / lo dang / dus tshigs log pa thams cad nye bar zhi bar byed do/ /gzungs chen po bstan pa
314a2 des ni nga'i dkon mchog gsum gyi gdung dang / chos kyi tshul yun ring du gnas par 'gyur ro/ /gal te 'dir mun pa can skal ba chung ba/ rgyags pa dang / dregs pas khengs shing dge ba'i rtsa ba
314a3 ma bskyed pa/ rgyal rigs gdol pa dang / blon po gdol pa dag gis 'di ltar nga'i bstan pa dka' bas bsgrubs pa dang / nga'i dge slong dang / dge slong ma dang / dge bsnyen dang / dge bsnyen ma dag la 'tshe bar byed
314a4 pa nas rgyu des na lha dang / klu dang / gnod sbyin dag 'khrug par mi byed pa'i bar du'o/ /de bzhin du sems can rnams la bde bar sbyar ba thams cad 'byung ba ni sngar ji skad gsungs pa bzhin no/ /
314a5 'dus pa chen po theg pa chen po'i mdo bcwa lnga pa ri'i snying po'i le'u las than chen rab tu zhi bar byed pa'i mtshon pa ste gsum pa rdzogs s+ho// //de nas bcom ldan 'das kyis dpal lha mo chen mo la 'di
314a6 skad ces bka' stsal to/ /dpal lha mo cho ga shes sngon de bzhin gshegs pa dbang po'i tog gi rgyal mtshan rgyal po'i spyan sngar bdag cag gnyis kyis phan tshun dam bcas pa de bzhin du/ bdag cag gnyis kyi
314a7 bsam pa yongs su rdzogs shing grub po/ /de nas dpal lha mo chen mos 'di skad ces gsol to/ /btsun pa bcom ldan 'das de lta lags so/ /btsun pa bde bar gshegs pa de lta lags te/ skol gyi bsam
314a8 pa rdzogs lags so/ /sngon skol gyis de bzhin gshegs pa dbang po'i tog gi rgyal mtshan rgyal po'i spyan sngar phan tshun dam bcas pa bzhin 'di ltar skol gyi bsam pa yongs su grub ste/ da ltar khyod nyid ni
iiif viewer powered by OpenSeadragon
Texts on this page
J173 - 'dus pa chen po theg pa chen po'i mdo sde las de bzhin gshegs pa'i dpal gyi dam tshig ces bya ba theg pa chen po'i mdo