| e-texts navigator |
| བོད་ཡིག |
311b1 la 'byor byed chu khyim snying po zhes bya ba'i gzungs 'di rab tu ston par byed do/ /gzungs kyi rgyu des na der dus ma yin pa'i rlung dang / nyi mas gdungs pa dang / grang ba dang / tsha ba dang / char mo che dang / than chen dag rab
311b2 tu zhi bar byed do/ /de nas der 'jig rten pha rol la mi lta ba'i lha dang / gnod sbyin dang / srin po dang / lha ma yin dang / grul bum dang / yi dags dang / sha za dang / srul po dang / lus srul po dang / mi dang / mi ma
311b3 yin pa dang / tha na ri dgas dang / bya ma rungs pa/ gtum pa/ sems can rnams la snying brtse ba med pa dang / snying rje med par zhugs pa dag dad pa can du 'gyur ro/ /sems 'jam par 'gyur ro/ /dge ba dran par
311b4 'gyur ro/ /chos tshol ba la 'dod par 'gyur ro/ /chos srung bar 'gyur ro/ /dkon mchog gsum gyi gdung 'bar ba byed par 'gyur ro/ /gzungs 'di'i mthus de na sems can rnams tshe ring bar 'gyur ro/ /
311b5 kha dog 'phel bar 'gyur ro/ /lo tog 'phel bar 'gyur ro/ /longs spyod 'phel bar 'gyur ro/ /bde ba 'phel bar 'gyur ro/ /nad med pa 'phel bar 'gyur ro/ /grags pa 'phel bar 'gyur ro/ /tshul khrims
311b6 'phel bar 'gyur ro/ /thos pa 'phel bar 'gyur ro/ /byams pa 'phel bar 'gyur ro/ /snying rje 'phel bar 'gyur ro/ /ye shes 'phel bar 'gyur ro/ /thabs 'phel bar 'gyur ro/ /ting nge 'dzin 'phel bar
311b7 'gyur ro/ /gzungs 'phel bar 'gyur ro/ /sa rnam par dpyod pa 'phel bar 'gyur ro/ /rnam par spong ba 'phel bar 'gyur ro/ /sems can yongs su smin par byed pa 'phel bar 'gyur ro/ /theg pa chen po'i
311b8 bsngags pa yongs su 'phel bar 'gyur ro/ /smon lam gyi khyad par 'phel bar 'gyur ro/ /sa nas sar 'phar ba 'phel bar 'gyur ro/ /phung po dang / khams dang / skye mched lhag par mthong ba 'phel bar 'gyur ro/ /
iiif viewer powered by OpenSeadragon
Texts on this page
J173 - 'dus pa chen po theg pa chen po'i mdo sde las de bzhin gshegs pa'i dpal gyi dam tshig ces bya ba theg pa chen po'i mdo