rKTs

e-texts navigator

Volume

Page

303b₁ rab tu zhi bar gyur cig / yun ji srid du ting nge 'dzin de lta bu dang ldan pa de srid kyi bar du sems can rnams brtson 'grus dang ldan par gyur cig /dge ba'i chos thams cad dang bral ba rnams dge ba'i chos thams cad la
303b₂ brtson par gyur cig / yun ji srid du ting nge 'dzin de lta bu dang ldan pa de srid kyi bar du sems can rnams sems can gzhan dag la byams pa'i sems dang ldan pa dang / phan pa'i sems dang ldan pa dang / mi 'khrugs pa'i
303b₃ sems dang ldan pa dang / khon med pa'i sems dang ldan pa dang / rnyog pa med pa'i sems dang ldan pa dang / snying rje'i sems dang ldan pa dang / snying brtse ba'i sems dang ldan pa dang / bsam gtan gyi sems dang ldan pa dang /
303b₄ snyoms par 'jug pa la mkhas par gnas pa'i sems dang ldan pa dang / 'khrul pa med pa'i sems dang ldan par gyur cig /ji srid du ting nge 'dzin de lta bu dang ldan pa de srid kyi bar du sems can rnams kyi gti mug gi
303b₅ mun pa dang / rtag pa dang chad par lta ba dag rab tu zhi bar gyur cig /dus thams cad du lta bar 'dzin pa rnams rab tu zhi bar gyur cig /yun ji srid du ting nge 'dzin de lta bu dang ldan pa de srid kyi bar du sems can rnams dkon mchog
303b₆ gsum la blo 'jug cing zhe sa dang ri mo byed par gyur cig / phyin ci log bzhi dang bral zhing bden pa bzhi'i rnam pa la gnas pa'i sems dang ldan par gyur cig /'phags pa don dam pa'i bden pa la rnam par gnas pa'i sems
303b₇ dang ldan par gyur cig / byang chub sems dpa' sems dpa' chen po de sems can yongs su smin par bya ba'i phyir gang gi tshe ting nge 'dzin la 'jug par 'dod pa de'i tshe/ 'di ltar shes rab dang / bsod nams kyi stobs dang /
303b₈ thabs kyi stobs kyis 'di lta bur byin gyis rlob par byed de/ bdag yun ji srid du ting nge 'dzin las ma langs pa de srid kyi bar du yul 'di nyid dang / gling bzhi pa 'di nyid ces bya ba nas sangs rgyas kyi zhing 'di nyid kyi sems can

_{iiif viewer powered by OpenSeadragon}

303a - 304a

Texts on this page