| e-texts navigator |
| བོད་ཡིག |
303a1 ji lta bu zhig 'dod pa dang / ji snyed cig 'dod pa rnams 'byung bar gyur cig ces smon lam btab nas/ de'i rjes la byang chub sems dpa' sems dpa' chen po de ting nge 'dzin de la 'jug par byed do/ /ting nge 'dzin la
303a2 zhugs pa'i byang chub sems dpa' sems dpa' chen po de ji srid du snyoms par zhugs pa de srid kyi bar du de na sems can rnams kyi longs spyod dang / yo byad de lta bu dag 'byung ba ni sngar ji skad gsungs pa yin no/ /gzhan yang
303a3 byang chub sems dpa' sems dpa' chen po de smon lam 'di lta bur 'debs par byed de/ 'di ltar bdag yun ji srid du ting nge 'dzin de lta bu dang ldan pa de srid kyi bar du tshad bzung ste/ sems can rnams kyi lus kyi nad rlung las
303a4 gyur pa dang / mkhris pa las gyur pa dang / bad kan las gyur pa dang / 'dus pa las gyur pa dang / de bzhin du sems kyi nad 'dod chags dang / zhe sdang dang / gti mug la sogs pa dag rab tu zhi bar gyur cig /mi dang mi ma yin
303a5 pa'i gnod pa las 'byung ba'i nad dag rab tu zhi bar gyur cig / dge ba bcu'i las kyi lam dag la gnas par gyur cig ces smon lam btab nas/ de'i rjes la ting nge 'dzin la 'jug par byed do/ /byang chub sems dpa'
303a6 sems dpa' chen po de 'di ltar yun ji srid du ting nge 'dzin de lta bu dang ldan pa de srid kyi bar du tshad bzung ba'i sems can rnams kyi lus dang / sems kyi sdug bsngal gyi nad de lta bu dag rab tu zhi bar byed do/ /gzhan yang
303a7 byang chub sems dpa' sems dpa' chen po de smon lam 'di lta bur 'debs par byed de/ bdag yun ji srid du ting nge 'dzin de lta bu dang ldan par gnas pa de srid kyi bar du sems can dmyal ba rnams dang / dud 'gro rnams dang /
303a8 gshin rje'i 'jig rten pa rnams kyi sdug bsngal dang / bkres pa dang / skom pa dang / tsha ba dang / grang ba dang / mi sdug pa dang phrad pa dang / sdug pa dang bral ba dang / ngal ba'i sdug bsngal dang / tshol khro'i sdug bsngal dag
iiif viewer powered by OpenSeadragon
Texts on this page
J173 - 'dus pa chen po theg pa chen po'i mdo sde las de bzhin gshegs pa'i dpal gyi dam tshig ces bya ba theg pa chen po'i mdo