rKTs

e-texts navigator

Volume

Page

302b₁ rnam par smin pa mi dmigs so/ /skye ba mi dmigs so/ /'jig pa mi dmigs so/ /kun nas nyon mongs pa mi dmigs so/ /rnam par byang ba mi dmigs so/ /byang chub sems dpa' sems dpa' chen po de zhi ba la gnas pa de
302b₂ dag gis gnas so/ /gal te chos thams cad stong pa nyid brjod du med pa'i ting nge 'dzin 'dis bskal pa tshad med par byin gyis rlob par 'dod na yang / de bzhin du ting nge 'dzin gyi stobs kyis byin gyis rlob bo/ /de chos thams cad stong
302b₃ pa nyid brjod du med pa'i ting nge 'dzin 'dis bskal pa tshad med par gnas par 'dod na yang de bzhin du gnas par byed do/ /'di ltar sems can yongs su smin par bya ba'i phyir pha rol du phyin pa drug yongs su rdzogs par byed do/ dper na
302b₄ byang chub sems dpa' sems dpa' chen po sa'i snying po bzhin no/ /dpal cho ga shes byang chub sems dpa' sems dpa' chen po gang gis chos thams cad stong pa nyid brjod du med pa'i ting nge 'dzin gyi pha rol du phyin pa la dbang thob
302b₅ par gyur pa/ byang chub sems dpa' sems dpa' chen po de gang gi tshe ting nge 'dzin 'di la 'jug par 'dod pa de'i tshe/ de sa dang po kho nar sems can yongs su smin par bya ba'i phyir bsod nams dang / shes rab kyi stobs kyis
302b₆ smon lam 'di lta bur 'debs par byed de/ 'di ltar bdag yun ji srid du ting nge 'dzin las ma langs pa de srid kyi bar du yul 'di nyid dang / gling bzhi pa 'di nyid ces bya ba nas sangs rgyas kyi zhing 'di nyid kyi sems can zhes bya
302b₇ ba'i bar gyi sems can rnams longs spyod dang / yongs su spyod pa dang / yo byad rnam pa sna tshogs dag phun sum tshogs par gyur cig 'di lta ste/ de na sems can rnams kyi gnas dang / lus dang / lus kyi dbyibs mdog
302b₈ dang / yan lag dang / nying lag dang / rgyan dang / lhab lhub dang / phyang phrul dang / phreng ba dang / mal cha dang / gos dang / bza' ba dang / btung ba dang / gzugs dang / sgra dang / dri dang / ro dang / reg pa yid du 'ong ba ci dang ci 'dod pa dang /

_{iiif viewer powered by OpenSeadragon}

302a - 303a

Texts on this page