| e-texts navigator |
| བོད་ཡིག |
302a1 nyid la brtson pa dang ldan par gnas par byed do/ /yang na de ba spu'i khung bu'i sgo skra'i nyag ma tsam du chung bar rtog na yang der dbugs rngub pa dang / dbugs 'byung ba rgyu ba de dag la chung bar yang mthong ngo / /yang na
302a2 che bar rtog na yang yungs 'bru chen po tsam du yang dag par rjes su mthong ngo / /yang na skyu ru ra tsam du rtog na yang skyu ru ra tsam du mthong ngo / /yang na ba spu'i khung bu re re la bil ba'i 'bras bu tsam du rtog na yang bil
302a3 ba'i 'bras bu tsam du mthong ngo / /yang na dpag tshad stong tsam du rtog na yang dpag tshad stong tsam du mthong ngo / /yang na gling bzhi pa gcig tsam du rtog na yang gling bzhi pa gcig tsam du mthong ngo / /yang na ba spu'i
302a4 khung bu re re la rgya che bar rtog na yang rgya che bar yang dag par rjes su mthong ngo / /de bzhin du mig gi tshad la yang sbyar bar bya'o/ /gang du rga shi dang 'brel ba'i sems can dag bar chad med par 'khor ba'i chu bor bdas pas
302a5 sdug bsngal rnam pa sna tshogs dag nyams su myong ba na/ de 'di snyam du bdag gis ci nas kyang rnam pa thams cad du gzugs kyi 'du shes dag dor bar bya'o snyam du sems te/ de rlung gi khams la sems nye bar gtong
302a6 bar byed do/ /de rnam pa thams cad du gzugs kyi 'du shes dag spong bas des brjod du med pa'i ting nge 'dzin rab tu thob ste/ de ni nyan thos dang / rang rgyal ba thams cad kyi sa ma yin no/ /de la sa'i khams mi dmigs so/ /chu'i
302a7 khams mi dmigs so/ /me'i khams mi dmigs so/ /rlung gi khams mi dmigs so/ /nam mkha'i khams mi dmigs so/ /rnam par shes pa'i khams mi dmigs so/ /phung po dang / khams dang / skye mched rnams rgyu ba
302a8 mi dmigs so/ /sngon gyi mtha' mi dmigs so/ /phyi ma'i mtha' mi dmigs so/ /'jig rten 'di mi dmigs so/ /'jig rten pha rol mi dmigs so/ /legs par spyad pa dang / nyes par spyad pa'i las rnams kyi 'bras bu
iiif viewer powered by OpenSeadragon
Texts on this page
J173 - 'dus pa chen po theg pa chen po'i mdo sde las de bzhin gshegs pa'i dpal gyi dam tshig ces bya ba theg pa chen po'i mdo