rKTs

e-texts navigator

Volume

Page

301b₁ 'byung ba so so yang dag par rig pa de'i tshe dbugs rngub pa so so yang dag par rig pa ma yin no/ /'khor ba'i 'khor lo dum bu gsum par tshor ba dang / 'du shes dang / sems pa yid la byed pa yang de lta bu yin te/ 'jug pa'i
301b₂ rgyus na bar chad med par skye ba'i rgya mtshor bdas shing thar bar yang mi byed do/ /yang dang yang skye bar byed do/ /rga bar byed do/ /'chi bar byed do/ /yang skye bar yang byed do/ /chos gang 'di dag mngon par rdzogs par sangs
301b₃ rgyas pa des na rga shi las nges par 'byung ba dag yang dag pa ji lta ba bzhin rab tu shes so/ /de dag dbugs rngub pa dang / dbugs 'byung ba yang dag pa ji lta ba bzhin nye bar rtog par mi byed do/ /'di ltar srid pa'i rgya mtsho'i
301b₄ sgo dag gi dbugs rngub pa dang / dbugs 'byung ba 'jug pa dang / nges par 'byung bar yang byed do/ /de bzhin du ba spu'i khung bu'i sgo 'bum phrag khrag khrig dgu bcu rtsa dgu snyed thams cad kyi dbugs rngub pa dang / dbugs
301b₅ 'byung ba 'jug pa dang / nges par 'byung bar byed kyang ba spu'i khung bu'i sgo 'bum phrag khrag khrig dgu bcu rtsa dgu de dag nyams par yang mi mngon no/ /rgyas par yang mi mngon no/ /sngon gyi mtha' dang / phyi ma'i mtha' dang / thog ma
301b₆ dang / bar ma dang / tha ma yang mi mngon no/ /'jug pa dang 'byung ba yang mi mngon no/ /de 'di snyam du bdag gis ci nas kyang ba spu'i khung bu thams cad kyi dbugs rngub pa dang / dbugs 'byung ba de la skye ba dang / 'jig
301b₇ pa'i tshul gyis skye 'jig gi mtshan nyid la brtson pa dang ldan par gnas par bya'o snyam du sems te/ byang chub sems dpa' sems dpa' chen po de rma'i sgo dgu'i dbugs rngub pa dang / dbugs 'byung ba'i skye ba dang /
301b₈ 'jig pa la sbyor zhing so sor rtog par byed do/ /de bzhin du ba spu'i khung bu'i sgo 'bum phrag khrag khrig dgu bcu rtsa dgu snyed re re'i ba spu'i khung bu'i dbugs rngub pa dang / dbugs 'byung ba'i skye ba dang / 'jig pa'i mtshan

_{iiif viewer powered by OpenSeadragon}

301a - 302a

Texts on this page