rKTs

e-texts navigator

Volume

Page

301a₁ thams cad du glog lta bu'i shugs kyis 'gro ba la mkhas pa yang yin no/ /sems can rnams kyi lam gsum po las kyi lam dang / nyon mongs pa'i lam dang / sdug bsngal gyi lam dag skems par yang
301a₂ byed do/ /'dod pa'i khams las yang dag par 'da' bar yang byed la/ 'dod pa'i khams dag gtong bar yang mi byed do/ /sems can thams cad yongs su smin par bya ba'i phyir 'gro ba sna tshogs kyi skye ba'i sa dag ston par yang byed
301a₃ la/ mngal gyi nyes pas gos par yang mi byed do/ /sems can rnams kyi nyon mongs pa'i dra ba gcod par yang byed la/ sems can rnams dmigs par yang mi byed do/ /dpal cho ga shes 'di la byang chub sems
301a₄ dpa' sems dpa' chen po dag dbugs rngub pa dang / dbugs 'byung ba phan tshun mi 'dra ba la ji lta ba bzhin rtog par yang byed la/ 'phral 'phral du de shes par yang mi byed do/ /dbugs rngub pa dang / dbugs 'byung
301a₅ ba'i gzugs nye bar len pa'i phung po dang / de bzhin du tshor ba dang / 'du shes dang / 'du byed rnams dang / de bzhin du dbugs rngub pa dang / dbugs 'byung ba'i rnam par shes pa nye bar len pa'i phung po dag la ji lta ba
301a₆ bzhin du yang rab tu shes shing dbugs rngub pa yang gzhan la/ dbugs 'byung ba yang gzhan no/ /dbugs rngub pa so so yang dag par rig pa yang gzhan la/ dbugs 'byung ba so so yang dag par rig pa yang
301a₇ gzhan no/ /dbugs rngub pa'i tshor ba dang / 'du shes dang / 'du byed dang / sems pa yid la byed pa yang gzhan la dbugs 'byung ba'i tshor ba dang / 'du shes dang / sems pa yid la byed pa yang gzhan no/ /
301a₈ dbugs rngub pa'i sems pa yang gzhan la dbugs 'byung ba yang gzhan no/ /gang gi tshe dbugs rngub pa so so yang dag par rig pa de'i tshe dbugs 'byung ba so so yang dag par rig pa ma yin no/ /gang gi tshe dbugs

_{iiif viewer powered by OpenSeadragon}

300b - 301b

Texts on this page