rKTs

e-texts navigator

Volume

Page

299b₁ nas bsam gtan gyi pha rol du phyin pa yongs su rdzogs par byed pa dang / de'i pha rol du phyin pa drug po yongs su rdzogs par 'gyur ba'i bar du'o/ /dpal cho ga shes yul 'khor de na dge slong dang / dge slong ma dang / des dge bsnyen dang /
299b₂ dge bsnyen ma dang / nyan thos kyi theg pa la yang dag par zhugs pa dang / rang sangs rgyas kyi theg pa la yang dag par zhugs pa dang / theg pa chen po la yang dag par zhugs pa'i rigs kyi bu dang rigs kyi bu mo dag bsam gtan
299b₃ yongs su sbyong bas rnam par rtse ba yid la byed pa de lta bu dag gis gnas pa nas yul 'khor de lha'i dbang po thams cad kyis legs par bsrungs par 'gyur ro/ /yul 'khor de klu'i dbang po dang / gnod sbyin gyi dbang po dang lha ma
299b₄ yin gyi dbang po dang / nam mkha' lding gi dbang po dang / mi 'am ci'i dbang po dang / lto 'phye chen po'i dbang po dang / yi dags kyi dbang po dang / sha za'i dbang po thams cad kyis legs par bsrungs par 'gyur ro/ /de na ting nge 'dzin
299b₅ de lta bu dang ldan pa'i sbyin gnas dag 'khod pa'i bar du'o/ /yul 'khor de'i rgyal po yang yid dang 'thad pa'i chos bcu thob par 'gyur te/ bcu gang zhe na/ nad med pa dang / nad thams cad rab tu zhi ba dang / tshe ring ba dang / gzugs
299b₆ bzang ba dang / mdog bzang po dang ldan pa dang / yan lag dang nying lag sdug pa dang / 'khor skye bo bzang ba dang / las kyi mtha' legs par spyad pa spyod pa dang / byams pa dang snying rje la sbyor ba dang / snyan par grags pa dag ste/
299b₇ ting nge 'dzin de lta bu dag dang ldan pa'i sbyin gnas snod du gyur pa/ mtho ris su 'gro ba'i yul 'khor de ni yon tan dang / phan yon chen po bcu po de dag gis rgyas par 'gyur ro/ /rang gi dpung dang / gzhan gyi dpung dang / chom
299b₈ rkun dang / mi rgod dang / ri dgas dang / stag dang / sbrang ma dang / sha sbrang dang / phye ma leb dang char ches pa dang / than ches pa dang / dus ma yin pa'i rlung dang / lhags pa dang / nyi mas gdungs pa dang / tsha ba'i reg pa

_{iiif viewer powered by OpenSeadragon}

299a - 300a

Texts on this page