rKTs

e-texts navigator

Volume

Page

299a₁ dbugs 'byung ba skye ba dang / nub pa'i tshul gyis 'du byed gsum la nye bar rtog par yang byed do/ /de stobs lnga bsgom pa yongs su rdzogs par yang 'gyur la/ yang na dbugs rngub pa dang / dbugs 'byung ba'i tshor ba'i mtshan ma
299a₂ gsal ba'i tshul gyis phung po dag la zhi ba dang nye bar zhi bar rtog par yang byed do/ /de bzhin du byang chub kyi yan lag bdun bsgom pa yongs su rdzogs par yang 'gyur la/ yang na dbugs rngub pa dang / dbugs 'byung ba'i rlung gi rnal 'byor yid la
299a₃ byed pas sa'i khams gzugs su snang ba thams cad rdul du rlags te gtor nas mtshan ma med pa/ lus pa med pa/ brjod du med pa/ mtshan nyid med pa/ rnam par rig pa med pa/ 'du byed gsum zhi ba/ nye bar zhi ba/ 'gags pa/
299a₄ dmigs pa med pa'i ting nge 'dzin dag rab tu thob bo/ /bsam gtan la rnam par rtse ba'i ting nge 'dzin de lta bu de ni byang chub sems dpa' sems dpa' chen po rnams kyi bsam gtan gyi pha rol du phyin pa yongs su sbyong ba thun mong ba yin la/
299a₅ bsam gtan gyi pha rol du phyin pa yongs su sbyong ba na nyan thos dang / rang sangs rgyas thams cad kyi yang thun mong yin no/ /gang dag kha cig de la gnas na rgyun du zhugs pa'i 'bras bu la gnas pa yin no/ /brtson 'grus zhan pa kha cig
299a₆ ni nyan thos kyi chos rnams la 'phel lo/ /kha cig ni dgra bcom pa'i 'bras bu la gnas pa'i bar du'o/ /gang dag byang chub sems dpa' sems dpa' chen po snying rje chen po dang ldan pa/ 'bad pa brtan pa/ sems can thams
299a₇ cad la lta la/ bsod nams dang / shes rab kyi tshogs dpag tu med pa goms par byas te/ bsam gtan yongs su sbyong bas rnam par rtse ba'i ting nge 'dzin gyi rnal 'byor de lta bu de la gnas nas rnam par ldog par yang mi byed la/
299a₈ nyan thos kyi nges pa la 'jug par yang mi byed do/ /byang chub sems dpa' sems dpa' chen po de dag go cha chen po bgos nas bsam gtan gyi pha rol du phyin pa dang / so so yang dag par rig pa la sbyor ba yongs su sbyong ba la gnas pa

_{iiif viewer powered by OpenSeadragon}

298b - 299b

Texts on this page