rKTs

e-texts navigator

Volume

Page

296b₁ par bgyid pa'i bar du'o/ /btsun pa bcom ldan 'das 'di na sems can gang dag phra ma dang / tshig rtsub po dang / chags sems dang / gnod sems kun du spyod pa'i yid kyis de dag 'jig tshogs la lta ba dang ldan zhing longs spyod dang / nye bar
296b₂ spyod pa dang bral la tshol khros sdug bsngal zhing nyam thag pa dag mchis te/ sems can de dag rab tu 'byung ba'i tshul khrims dang / sdom pa ma mchis par yongs su smin par bgyid par rngo mi thog pas sems can phra ma dang / tshig rtsub po dang /
296b₃ chags sems dang / gnod sems kun du spyod cing / 'jig tshogs la lta ba dang ldan pa spyod pa de dag la byang chub sems dpa' sems dpa' chen po de dag snying rje chen po dag spyod par bgyid de/ bcom ldan 'das sems can de dag mi
296b₄ rtag pa'i tshul gyis bstan pa la 'jug par bgyid pa dang / rab tu 'byung ba'i sdom pas sems can rnams yongs su smin par bgyid pa yang bdag cag gis bzod pa dang / brtson 'grus brtsams nas bdag cag gis rab tu 'byung ba'i sdom
296b₅ p a'i gzings kyis skye ba'i rgya mtsho las bsgral bar bgyi'o zhes byang chub sems dpa' sems dpa' chen po de dag tshul khrims las byung ba'i bsod nams bgyi ba'i dngos po rtag pa'i tshul gyis sems can rnams rab tu 'byung ba'i
296b₆ tshul khrims dang / sdom pas yongs su smin par bgyid de/ des na byang chub sems dpa' sems dpa' chen po de dag sangs rgyas kyi ye shes kyi rgya mtsho bla na ma mchis par 'jug par bgyid pa nas chos kyi rgyal po bla na ma mchis
296b₇ par dbang bskur ba thob par bgyid pa'i bar du'o/ /bcom ldan 'das byang chub sems dpa' sems dpa' chen po dag bsam gtan dang po'i pha rol tu phyin pa yongs su sbyong zhing slob pa na bsam gtan gyi yan lag rnams
296b₈ 'tshal ba dang / 'dod pa'i khams las yang dag par 'da' ba dang / yan lag lnga dang ldan zhing yan lag lnga spangs pa dang / rdzu 'phrul gyi rkang pa bzhis rnam par rtse ba mngon par 'tshal ba dang / sangs rgyas bcom ldan 'das

_{iiif viewer powered by OpenSeadragon}

296a - 297a

Texts on this page