rKTs

e-texts navigator

Volume

Page

296a₁ rgyu de dang rkyen des na byang chub sems dpa' sems dpa' chen po dag 'dir sems can rnams la snying rje chen po dag bskyed par bgyid lags so/ /'di na sems can rnams gang gis na rgyu ma mchis par smra zhing
296a₂ longs spyod dang bral la/ tshol khros sdug bsngal zhing nyams thag pa dang / don ma mchis par 'bad pa de dag ni sbyin pa rnam par bged pa ma mchis par yongs su smin par bgyid pa'i rngo mi thog ste/ de lta bas na bdag
296a₃ cag gis sbyin pa'i go bgos te/ brtson 'grus brtsam par bgyi zhing / 'di ltar bdag cag gis sbyin pa'i gzings kyis skye ba'i rgya mtsho las bsgral bar bgyi'o zhes byang chub sems dpa' sems dpa' chen po de dag
296a₄ sbyin pa las byung ba'i bsod nams kun du spyod par bgyi ba'i dngos pos/ sangs rgyas kyi ye shes kyi rgya mtsho bla na ma mchis pa la 'jug par bgyid pa nas chos kyi rgyal po bla na ma mchis par dbang bskur ba rab tu thob
296a₅ par bgyid pa'i bar du'o/ /btsun pa bcom ldan 'das 'di na sems can rtag par smra ba 'di dag longs spyod dang / nye bar spyod pa rgya chen po dang bral la tshol khros sdug bsngal zhing nyam thag pa dag mchis te/ de dag tshul khrims
296a₆ rnam par bged pa ma mchis par yongs su smin par bgyid par rngo mi thog pas/ 'dir sems can rtag par smra ba rnams la byang chub sems dpa' sems dpa' chen po de dag snying rje chen po dag skyed par bgyid cing / tshul khrims kyi
296a₇ g o bgos pa'i gzings kyis sems can rtag par smra ba 'di dag skye ba'i rgya mtsho 'di las bsgral bar bgyi'o zhes byang chub sems dpa' sems dpa' chen po de dag tshul khrims las byung ba'i bsod nams kun du spyod par bgyid pa'i
296a₈ dngos po sems can rnams dge ba bcu'i las kyi lam gyis yongs su smin par bgyid pa dang / sangs rgyas kyi ye shes kyi rgya mtsho bla na ma mchis pa la 'jug par bgyid pa nas chos kyi rgyal po bla na ma mchis par dbang bskur ba rab tu thob

_{iiif viewer powered by OpenSeadragon}

295b - 296b

Texts on this page