| e-texts navigator |
| བོད་ཡིག |
295a1 gang / /sdig pa'i chos can mi sdom pas/ /yo byad bsnyungs pa'i chos thos na/ /nga yi bstan pa spong bar byed/ /skyob pa shAkya seng ge nga'i/ /bstan pa shes rab 'chal pa yis/ /spangs nas kyang ni lus zhig nas/ /
295a2 ngan 'gro rnams su skye bar 'gyur/ /kun dga' bo chos bzhi dang ldan pa'i dge slong gis de bzhin gshegs pas thugs su chud pa'i chos 'dul ba dag thos na dga' ba dang mchog tu dga' ba rgya chen po dag rab tu thob par
295a3 'gyur ro/ /kun dga' bo 'di la bzhi gang zhe na/ dge slong lhag pa'i nga rgyal med pa can yin no/ /'jig rten rgyang pan pa dang ma 'dres pa yin no/ /gzhan dag la chos dag pa ston pa yin no/ /dmigs pa dang ldan pa ma yin no/ /
295a4 bdag tu mngon par zhen pa ma yin no/ /dge ba'i chos can tshul khrims dang ldan pa yin no/ /kun dga' bo chos bzhi po 'di dag dang ldan pa'i dge slong gis de bzhin gshegs pas thugs su chud pa'i chos 'dul ba dag
295a5 thos na dga' ba dang mchog tu dga' ba rgya chen po dag rab tu thob par 'gyur ro/ /bcom ldan 'das kyis de skad ces bka' stsal nas/ bde bar gshegs pas de skad gsungs te/ ston pas gzhan yang 'di skad ces bka' stsal
295a6 to/ /dge slong nga rgyal med pa gang / /yang dag chos la rab gnas des/ /zab pa'i chos dag thos nas ni/ /dga' ba mtshungs med des 'thob bo/ /chos nyid zab pa thob nas kyang / /yang dag chos la rab gnas pas/ /
295a7 dman pa 'di ni rab bsgrags te/ /'jig rten rgyang pan sten mi byed/ /bdag med chos dag thos nas kyang / /gcig tu myur bar zhum mi 'gyur/ /zla ba yar gyi ngo ltar ni/ /de yi ye shes rnam par 'phel/ /bdag med chos dag
295a8 thos nas kyang / /gang gi the tshom yod min zhing / /zla ba yar gyi ngo ltar ni/ /de yi ye shes rnam par 'phel/ /bcom ldan 'das kyis de skad ces bka' stsal nas/ dge slong de dag dang / lha dang / mi dang / lha ma yin dang /
iiif viewer powered by OpenSeadragon
Texts on this page
J172 - de bzhin gshegs pa bgro ba zhes bya ba theg pa chen po'i mdo