rKTs

e-texts navigator

Volume

Page

207b₁ nyi ma gung gi dus kyi tshe yang de ltar sangs rgyas kyi mdzad pa mdzad do/ /phyi dro'i dus kyi tshe yang de ltar sangs rgyas kyi mdzad pa mdzad de/ chos thams cad dang / sems can thams cad dang / 'jig rten gyi khams thams cad
207b₂ du de bzhin gshegs pa'i spyan thogs pa mi mnga' bar gzigs pa dang / shes rab dang ye shes kyi gzigs pa 'jug ste/ de ltar sangs rgyas kyi yul bsam gyis mi khyab cing tshad med na de la de dag 'di ltar chos spong ba la
207b₃ gnas pas byang chub sems dpas 'di la ni bslab par bya'o/ /'di la ni bslab par mi bya'o zhes zer te/ gang su dag chos spong bar gnas pa de dag ni sangs rgyas la skur pa 'debs par gnas pa yin/ gang dag
207b₄ sangs rgyas la skur pa 'debs par gnas pa de dag ni 'di lta ste/ ngan song gi g.yang sa'i sa la gnas pa yin te de dag ni chos kyis phongs par 'gyur ba la gnas pa yin no/ /mi pham pa de lta bas na de bzhin
207b₅ gshegs pa'i thabs mkhas pas bstan pa'i chos la bdag bsrung bar bya'o/ /de nas 'jam dpal gzhon nur gyur pa dang / byang chub sems dpa' shes rab kyi phung po yang dag grub dang / byang chub sems dpa'
207b₆ mthong ba don yod dang / byang chub sems dpa' gcig tu spobs pa rnam par nges pa'i blo gros dang / byang chub sems dpa' shin du rnam par nges pa'i sems ston pa'i blo gros dang / byang chub sems dpa' shes
207b₇ rab spobs pas smra ba dang / byang chub sems dpa' 'jigs bral yang dag gsal byed dang / byang chub sems dpa' mchog tu dga' ba'i rgyal po dang / byang chub sems dpa' khengs med gnas dang / byang chub
207b₈ sems dpa' sangs rgyas kyi zhing mtha' yas pa'i cho ga sems pa dang / byang chub sems dpa' spyan ras gzigs dbang phyug dang / byang chub sems dpa' spos kyi glang po che dang / byang chub sems dpa' bal glang spos kyi glang po che dang / byang chub sems dpa'

_{iiif viewer powered by OpenSeadragon}

207a - 208a

Texts on this page