rKTs

e-texts navigator

Volume

Page

206a₁ byang chub lta smos kyang ci dgos te mi pham pa g.yo dang ldan pa la byang chub med do/ /phrag dog can la med do/ /rim gro med pa la med do/ /yang dag pa'i shes pa med pa la med do/ /khyim sun par byed pa la med do/ /gnyis su spyod pa la med do/ /
206a₂ mi pham pa mi blun po de dag ni nga bas kyang ches mkhas par khas 'che zhing nyan thos kyi chos sam/ rang sangs rgyas kyi chos gang yin pa'i chos de ni de bzhin gshegs pas gsungs pa ma yin no zhes zer ro/ /de nas bcom ldan 'das
206a₃ kyis tshe dang ldan pa rab 'byor la bka' stsal pa/ rab 'byor gnyis su med par spyod pa la shes rab kyi pha rol du phyin pa yod mod/ gsol pa/ bcom ldan 'das de lta lags so/ /bka' stsal pa/ rab 'byor mi gnas pa la byang chub yod mod/
206a₄ gsol pa bcom ldan 'das de lta lags so/ /bka' stsal pa rab 'byor spros pa med pa la byang chub yod mod/ gsol pa bcom ldan 'das de lta lags so/ /bka' stsal pa/ rab 'byor nye du la gdu ba'i phyir ngo tsha med pa de dag gis 'di lta
206a₅ ste dbul por 'gyur ba'i las kyi rnam par smin pa ji tsam yongs su gzung bar sems pa la ltos/ mi pham pa gzhan yang byang chub sems dpas chos thams cad nyan thos kyi chos so zhes skrag par mi bya'o/ /chos thams cad rang sangs
206a₆ rgyas kyi chos so zhes skrag par mi bya'o/ /chos thams cad sangs rgyas kyi chos so zhes skrag par mi bya'o/ /mngon par zhen par mi bya'o/ /chos thams cad nyan thos kyi chos ma yin no zhes skrag par mi bya'o/ /chos thams cad rang sangs rgyas kyi
206a₇ chos ma yin no zhes skrag par mi bya'o/ /chos thams cad sangs rgyas kyi chos ma yin no zhes skrag par mi bya'o/ /mngon par zhen par mi bya'o/ /chos thams cad so so'i skye bo'i chos so zhes skrag par mi bya'o/ /chos thams cad so
206a₈ so'i skye bo'i chos ma yin no zhes skrag par mi bya'o/ /chos thams cad kun nas nyon mongs pa'i chos so zhes skrag par mi bya'o/ /chos thams cad kun nas nyon mongs pa med pa'i chos so zhes skrag par mi bya'o/ /chos thams

_{iiif viewer powered by OpenSeadragon}

205b - 206b

Texts on this page