| e-texts navigator |
| བོད་ཡིག |
204b1 can dag ji ltar mos pas mos pa bzhin du de bzhin gshegs pa'i chos ston pa de thams cad ni de bzhin gshegs pa'i mthu yin no/ /'khor gang du byang chub sems dpa'i theg pa dag lan 'ga' zhig spu zing zhes byed dam mchi ma lan 'ga'
204b2 zhig klog pa de thams cad kyang de bzhin gshegs pa'i mthur shes par bya ba yin na/ de la mi blun po byang chub sems dpa' ma yin par byang chub sems dpar khas 'che ba/ byang chub sems dpa' sun 'byin
204b3 par gyur pa/ chos rku ba tshul 'chos pa/ cho ga ngan pa la spyod pa de dag kha cig 'di skad ces 'di lta bu zhig ci shes shes zer ro/ /byams pa ngas byang chub kyi phyir spyod pa na bdag nyid kyis gang tshigs
204b4 su bcad pa nyos pa ni rang gi lus yongs su btang ba dang / bu dang bu mo yongs su btang ba dang / rgyal srid yongs su btang bas nyos shing / byams pa legs par bshad pa'i tshigs su bcad pa gcig gis
204b5 phyir 'dzam bu'i gling byin te nyos par ngas mngon par dran na/ de dag ni rnyed pa dang bkur sti srung zhing sangs rgyas dang 'dra ba'i gan du 'gro bar mi sems so/ /mi pham pa dam pa'i chos kyi tshul 'di gzung
204b6 ba yang 'byor pa dang ldan pas nus kyi mi ldan pas ni ma yin no/ /mi pham pa ngas mngon par rdzogs par sangs rgyas nas/ sangs rgyas kyi ye shes kyis chos gang bstan pa de la de dag 'di skad du de ni lung
204b7 mnod par bya ba ma yin no zhes zer te/ sems can de dag 'byung ba ma yin pa'i nyes pa chen po ji tsam dang ldan pa la ltos/ mi pham pa dge slong chos des rnam par 'thag pa'i mdo stong bstan te/ bsam
204b8 gtan bzhi bskyed kyang de lta bu'i gnas su gyur na/ gang phyogs tsam 'am/ cha tsam la reg pa/ rnam par 'thag pa 'dzin pa'i dge slong rnams la mngon par mi dga' zhing rnam par 'thag pa la skyon 'dogs pa lta ci smos te/
iiif viewer powered by OpenSeadragon
Texts on this page
J170 - 'phags pa rnam par 'thag pa thams cad bsdus pa zhes bya ba theg pa chen po'i mdo