rKTs

e-texts navigator

Volume

Page

204a₁ kyis nam yang sangs rgyas ma mthong ngo / /nam yang byang chub kyi sems ma rnyed do/ /gzungs dang ting nge 'dzin ma rnyed do/ /rigs kyi bu dag khyed nga'i byang chub la yang dag par zhugs kyang bskal pa
204a₂ bzang po 'di la de bzhin gshegs pa gang 'byung ba'i tha ma pa'i tshe khyed mi skye ba'i chos la bzod pa thob par 'gyur ro/ /de phyin chad bskal pa grangs med pa gsum gyis bla na med pa yang dag par rdzogs pa'i byang chub mngon par rdzogs
204a₃ par 'tshang rgya bar 'gyur ro/ /rigs kyi bu dag de bas na byang chub sems dpa' dag gis byang chub sems dpa' mthong na sems kyis gzhan bsam par mi bya ste/ bdag cag gis mchod rten nam/ de bzhin gshegs pa
204a₄ mthong ngo / /bdag cag gis mdun na sangs rgyas bzhugs so snyam du bsam mo/ /rigs kyi bu dag gal te byang chub sems dpas byang chub sems dpa' mthong na mchod rten gyi 'du shes sam/ de bzhin gshegs
204a₅ pa'i 'du shes bskyed pa ma gtogs par 'du shes gzhan bskyed par mi bya'o/ /gzhan du gyur na byang chub sems dpas bdag nyid la rma phyung bar 'gyur ro/ /de la dgongs te de bzhin gshegs pa mi 'khrugs pas thugs dam bzhes pa/
204a₆ gal te bdag gis sems dang po bskyed pa'i byang chub sems dpa' mthong ste sangs rgyas kyi 'du shes ma bskyed na ngas 'jig rten gyi khams dpag tu med pa rnams na gang dag bzhugs pa'i sangs rgyas bcom ldan 'das
204a₇ thams cad la bslus par gyur cig ces bya ba yin no/ /rigs kyi bu dag phyi ma'i tshe phyi ma'i dus lnga brgya tha ma la gang su dag gzungs thob pa 'am/ ting nge 'dzin thob par 'gyur ba de dag thams cad ni de bzhin
204a₈ gshegs pa'i mthus thob par 'gyur te/ rigs kyi bu dag de lta bas na 'di la su chos smra ba la mi snyan par brjod pa des ni de bzhin gshegs pa spangs par 'gyur ro/ /rigs kyi bu dag gang su zhig sems

_{iiif viewer powered by OpenSeadragon}

203b - 204b

Texts on this page