| e-texts navigator |
| བོད་ཡིག |
201a1 stsal to/ /mi pham pa gang gi nub mo de bzhin gshegs pa bla na med pa yang dag par rdzogs pa'i byang chub mngon par rdzogs par sangs rgyas pa dang / byams pa gang gi nub mo de bzhin gshegs pa len pa med
201a2 par yongs su mya ngan las 'da' bar 'gyur ba'i bar du de bzhin gshegs pa la 'khrul pa 'am/ ca co 'am/ bsnyel ba 'am/ gsung gis nyes par gsungs pa 'am/ nyes par dgongs pa 'am/ phrin las nyes par
201a3 mdzad pa ci yang yod dam/ gsol pa bcom ldan 'das de ni ma mchis so/ /bka' stsal pa/ mi pham pa gang gi nub mo de bzhin gshegs pa bla na med pa yang dag par rdzogs pa'i byang chub mngon par rdzogs par
201a4 sangs rgyas pa dang / gang gi nub mo de bzhin gshegs pa len pa med par yongs su mya ngan las 'da' bar 'gyur ba de'i bar du de bzhin gshegs pas gang ci gsungs pa de dag thams cad ni yang dag pa/ de kho na/ de bzhin ma nor ba de bzhin
201a5 te gzhan du ma yin no/ /'di la mi blun po kha cig de bzhin gshegs pa'i thabs la mkhas pa mi shes shing khong du ma chud par nga'i ldem po ngag la 'di skad du 'di ni rung ngo / /'di ni mi rung ngo zhes zer te/ de lta bu de dag ni dam pa'i
201a6 chos spong ba yin/ de dag ni de bzhin gshegs pa la skur pa 'debs pa yin te/ rgyu des na de dag ni sems can dmyal ba pa zhes nga 'chad do/ /mi pham pa ma 'ongs pa'i dus phyi ma'i tshe phyi ma'i dus lnga brgya pa tha ma la dge slong
201a7 dang / dge slong ma dang / dge bsnyen dang / dge bsnyen ma byang chub sems dpar khas 'che ba/ sngon mu stegs can du gyur pa/ smon lam gyi dbang gis de bzhin gshegs pa'i bstan pa legs par gsungs pa'i chos 'dul ba la
201a8 rab tu byung nas phyogs gcig la spyod pa/ gnyen la gdu ba/ rnyed pa dang / bkur sti la chags pa/ khyim la ser sna byed pa/ khyim sun par byed pa/ mdog ngan pa/ dman pa la mos pa/ bka' blo mi bde ba/ ma grags pa/ rigs
iiif viewer powered by OpenSeadragon
Texts on this page
J170 - 'phags pa rnam par 'thag pa thams cad bsdus pa zhes bya ba theg pa chen po'i mdo