| e-texts navigator |
| བོད་ཡིག |
199a1 @#/ /rgya gar skad du/ Ar+ya sarba bi da l+ya se ma gra ha nA ma ma hA yA na sU tra/ bod skad du/ 'phags pa rnam par 'thag pa thams cad bsdus pa zhes bya ba theg pa chen po'i mdo/ sangs rgyas dang byang chub
199a2 sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la dge slong drug khri nyis stong gi dge slong gi dge 'dun chen po dang /
199a3 byang chub sems dpa' bye ba phrag brgyad bcu dang / lha drug khri dang / dge bsnyen stong phrag mang po dang thabs gcig tu bzhugs te/ de'i tshe bcom ldan 'das yongs su mya ngan las 'da' ba'i dus la bab ste/ 'di ni
199a4 bcom ldan 'das rgyal po'i khab na dbyar gnas shing bzhugs pa'i tha ma yin no/ /de nas bcom ldan 'das kyis ting nge 'dzin rnam pa ji lta bus stong gsum gyi stong chen po'i 'jig rten gyi khams 'di dar gyi lda ldi bres pas
199a5 brgyan pa dang / pog phor gyis brgyan cing bdug pas bdugs pa dang / me tog sil mas chal par gang ba dang / pad ma 'dab ma stong phrag brgya pas khebs par gyur pa de lta bu'i ting nge 'dzin la snyoms par zhugs so/ /
199a6 stong gsum gyi stong chen po'i 'jig rten gyi khams 'di na tshangs pa bye ba phrag stong ji snyed yod pa'i tshangs pa de dag re re zhing yang g.yog 'khor bye ba phrag stong dang / bcom ldan 'das ga la ba der dong nas phyin pa dang / bcom
199a7 ldan 'das kyi zhabs la mgo bos phyag 'tshal te thal mo sbyar nas/ bcom ldan 'das la phyag 'tshal zhing phyogs gcig tu 'khod par gyur to/ /stong gsum gyi stong chen po'i 'jig rten gyi khams 'di na gnas gtsang
199a8 ma'i ris kyi lha'i bu rnams dang / lha'i bu dbang phyug rnams dang / dbang phyug chen po rnams dang / lha'i dbang po rnams dang klu'i dbang po rnams dang / gnod sbyin gyi dbang po rnams dang / lha ma yin gyi dbang po rnams dang /
iiif viewer powered by OpenSeadragon
Texts on this page
J170 - 'phags pa rnam par 'thag pa thams cad bsdus pa zhes bya ba theg pa chen po'i mdo