rKTs

e-texts navigator

Volume

Page

198a₁ skal ba 'dra ba'i las zad nas rnam par shes pa tha ma 'gag pa'i tshe 'di lta ste/ dper na nyal nyal ba las sad pa'i mi'i yul gyi bud med bzang mo lta bur las de yid la mngon du 'gyur ro/ /
198a₂ rgyal po chen po de ltar rnam par shes pa tha ma 'gag cing skye ba'i char gtogs pa'i rnam par shes pa dang po yang na ni lha'i nang du/ yang na ni mi'i nang du/ yang na ni lha ma yin gyi nang du/ yang na ni sems can dmyal
198a₃ ba'i rnams su/ yang na ni dud 'gro rnams su/ yang na ni yi dags rnams su 'byung bar 'gyur ro/ /rgyal po chen po rnam par shes pa dang po de 'gags ma thag tu gang la rnam par smin pa myong bar 'gyur ba mngon pa de dang skal
198a₄ ba 'dra ba'i sems kyi rgyud 'byung ngo / /rgyal po chen po de la chos gang yang / 'jig rten 'di nas 'jig rten pha rol du 'pho ba yang med la 'chi 'pho dang skye bar mngon pa yang yod de/ rgyal po chen po de la gang rnam par shes pa tha ma
198a₅ 'gag pa de ni 'chi 'pho zhes bya/ gang rnam par shes pa dang po 'byung ba de ni skye ba zhes bya'o/ /rgyal po chen po rnam par shes pa tha ma 'gag pa'i tshe yang gang du yang mi 'gro/ rnam par shes pa dang po skye ba'i char gtogs
198a₆ pa 'byung ba'i tshe yang gang nas kyang mi 'ong ngo / /de ci'i phyir zhe na/ ngo bo nyid dang bral ba'i phyir ro/ /rgyal po chen po de la rnam par shes pa tha ma ni rnam par shes pa tha mas stong / 'chi 'pho ni 'chi 'phos stong /
198a₇ las ni las kyis stong / rnam par shes pa dang po ni rnam par shes pa dang pos stong / skye ba ni skye bas stong la las rnams chud mi za bar mngon pa yang yod do/ /rgyal po chen po rnam par shes pa dang po'i skye ba'i
198a₈ char gtogs pa 'gags ma thag tu bar mi chad par pang la rnam par smin pa myong bar 'gyur ba mngon pa'i sems kyi rgyud 'byung ngo / /bcom ldan 'das kyis de skad ces bka' stsal te/ bde bar gshegs pas de

_{iiif viewer powered by OpenSeadragon}

197b - 198b

Texts on this page