rKTs

e-texts navigator

Volume

Page

191a₁ g.yo bar gyur na chos kyi dbyings las g.yo bar 'gyur ro/ /de ci'i phyir zhe na/ rten cing 'brel par 'byung ba mi g.yo ba'i don gyis mig dang / gzugs dang / mig gi rnam par shes pa nyid chos kyi
191a₂ dbyings yin pa'i phyir ro/ /de bzhin du gal te rna ba dang / sgra dang / rna ba'i rnam par shes pa dang / sna dang / dri dang / sna'i rnam par shes pa dang / lce dang / ro dang / lce'i rnam par shes pa dang / lus dang / reg bya dang /
191a₃ lus kyi rnam par shes pa dang / yid dang / chos dang / yid kyi rnam par shes pa las g.yo bar gyur na chos kyi dbyings las g.yo bar 'gyur ro/ /de ci'i phyir zhe na/ rten cing 'brel par 'byung ba mi g.yo ba'i don gyis/
191a₄ yid dang / chos dang / yid kyi rnam par shes pa nyid chos kyi dbyings yin pa'i phyir ro/ /gal te chos thams cad kyi 'du shes las g.yo bar gyur na chos kyi dbyings las g.yo bar 'gyur ro/ /de ci'i phyir zhe na/
191a₅ chos thams cad kyi 'du shes kyi ngo bo nyid ji lta ba bzhin du rtogs pa mi g.yo ba'i don gyis chos thams cad kyi 'du shes nyid kyis chos kyi dbyings yin pa'i phyir ro/ /ngas de las dgongs nas tshig 'di skad du log par
191a₆ lta ba/ log par lta ba yin par mthong na/ de de'i yang dag par lta ba yin no zhes gsungs so/ /bsal ba med pa dang / gzhag pa med pa'i tshul gyis log par lta ba las kyang mi g.yo la/ log par lta ba med par
191a₇ gyur pa las gud na yang / yang dag par lta ba med de/ chos thams cad gnyis su med pa'i phyir/ log par lta ba yang dag pa ji lta ba bzhin du mthong ba nyid yang dag par lta ba yin gyi gnyis su 'du shes pa la ni yang
191a₈ dag par lta ba med do/ /rigs kyi bu 'di lta ste dper na mi la la zhig nub mo mun pa mun nag gi nang na lam du zhugs te/ des 'brog khong khong zhig tu shing ljon pa phal po che stug po mthong la/ des der shing zhig gi drung na

_{iiif viewer powered by OpenSeadragon}

190b - 191b

Texts on this page