| e-texts navigator |
| བོད་ཡིག |
229b1 gzhon nur gyur pa'i byang chub sems dpa'i spyod pa dang / de'i sangs rgyas kyi zhing du skye ba dang / bla na med pa yang dag par rdzogs pa'i byang chub
229b2 tu sems bskyed de/ yi rangs nas/ bcom ldan 'das kyis gsungs pa la mngon par bstod do/ /shin du rgyas pa'i lung theg pa chen po'i mdo las/ me tog u dum ba ra ltar rab tu
229b3 rnyed dka' ba/ 'phags pa sor mo'i phreng ba la phan pa zhes bya ba theg pa chen po'i mdo rdzogs so// // rgya gar gyi mkhan po shAkya pra b+ha dang / zhu chen gyi lo ts+tsha ba ban d+he d+harma tA shI la dang / rgya'i lo ts+tsha ba ban d+he tong a tsa
229b4 la la sogs pas bsgyur cing zhus te gtan la phab pa/ / @#/ /rgya gar skad du/ rA dza de sha nA ma ma hA yA na sU tra/ bod skad du/ rgyal po la gdams pa zhes bya ba theg pa chen po'i mdo/ sangs rgyas
229b5 dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal bu rgyal byed kyi tshal mgon med zas sbyin gyi kun dga' ra ba na/ dge slong gi dge
229b6 'dun chen po dang byang chub sems dpa'i dge 'dun rab tu mang po dang thabs gcig tu bzhugs so/ /de'i tshe bcom ldan 'das kyis 'khor rnams la bka' stsal pa/ de ring rgyal po gzugs can snying po gtul bar bya
229b7 ba'i dus la bab gyis yul ma ga d+har 'gro bar bya'o zhes gsungs nas/ 'khor dang bcas pa ngang pa'i rgyal po ltar nam mkha' la ldings te gshegs pa blon po zla ba bzang pos mthong nas rgyal po la smras pa/ lha lags
229b8 sangs rgyas 'khor dang bcas pa 'o skol gyi yul du byon pas grong khyer brgyan pa dang bsnyen bkur bya bar rigs so/ /rgyal pos smras pa/ 'dzam bu'i gling na nga las che ba med par su la bsnyen bkur byed ces slar
iiif viewer powered by OpenSeadragon
Texts on this page
J156 - 'phags pa sor mo'i phreng ba la phan pa zhes bya ba theg pa chen po'i mdo
J157 - rgyal po la gdams pa zhes bya ba theg pa chen po'i mdo