| e-texts navigator |
| བོད་ཡིག |
228b1 sems can bye ba dang / bram ze'i mkhan pos mi shes te/ sangs rgyas nyid kyi sgyu ma mkhyen te/ de bzhin gshegs pa sangs rgyas ni sgyu ma'i rgyal po'o/ /mkhan po'i chung ma dga' byed mas smras pa/ kye ma sems can 'di
228b2 bram ze'i bu mo 'jo ma'i dku mthong yang sangs rgyas kyi che ba yin par mi shes so/ /ji ltar tsan tsa sgyu ma yin pa de bzhin du bdag kyang sangs rgyas kyis sgyu ma sprul pa'o/ /de bas na mdzod 'dzin gyi rgyal po gsal rgyal la bdag gis
228b3 bsnyad do/ /gdol pas khyod la bsnyen par mi nus na/ rgyal po sems can mang po dang / 'gro ba'i dpal dang / byin gyis brgyal bar 'gyur na/ mdun du 'dug pa lta ci smos/ de ltar mis mi'i drung du bstan par mi nus na/
228b4 lha dang mi rnams kyis bcom ldan 'das la bstan par bya ba dang / de bzhin gshegs pa'i sgyur bar lta ga la nus te/ de bzhin gshegs pa la rim gro byed pa'i lha dang / klu dang / gnod sbyin dang / dri za dang / mi 'am ci dang / lto
228b5 'phye chen po dang / sha za dang / lha ma yin tshad med pa dang / nam mkha' lding gis de la gnod par byed do/ /gal te 'di lta bu'i sems can 'byung na/ bcom ldan 'das kyang sdig byed pa rnam pa mang po ston te/ ma 'ongs pa'i
228b6 sems can 'di lta bu'i sdig ma rungs pa byed pa 'byung ba dag la yang de bzhin gshegs pa ni sangs rgyas kyi sgyu ma chen po'i thabs kyi sku ston to zhes zer nas mi snang bar gyur to/ /de nas yang rgyal po shin du ngo mtshar
228b7 du gyur te/ bcom ldan 'das la gsol pa/ bcom ldan 'das ci sgyu ma lags sam/ bcom ldan 'das kyis bka' stsal pa/ rgyal po chen po mkhan po dang / mkhan po'i chung ma dang / de'i ma sgyu ma gsum
228b8 gyis smras pa bzhin te/ nga'i sgyu ma ni bsam gyis mi khyab pas rnam pa de gsum du sprul pa yin te/ sems can bye ba mang po bsgral ba'i phyir sor mo'i phreng ba de ltar byon pa yin no/ /rgyal pos gsol pa
iiif viewer powered by OpenSeadragon
Texts on this page
J156 - 'phags pa sor mo'i phreng ba la phan pa zhes bya ba theg pa chen po'i mdo