rKTs

e-texts navigator

Volume

Page

131a₁ mos pa'i sems can de dag ni ngas yongs su smin par byas pa yin te/ tshe rabs gzhan du yang mi pham pas yongs su 'dzin par 'gyur ro/ /de'i skye ba'i rgya mtsho bskams pa yin no/ /bdud pham par byas pa yin
131a₂ no/ /nyon mongs pa rnams bsal ba yin no/ /chos kyi rnga shin du brdungs pa yin no/ /srid pa gsum rnam par bzlog pa yin no/ /phyir rgol ba rnams las nges par rgyal ba yin no/ /nyon mongs pa'i tshogs bcom
131a₃ pa yin no/ /rigs kyi bu 'am/ rigs kyi bu mo gang la la zhig gis stong gsum gyi stong chen po'i 'jig rten gyi khams grangs med pa phrag bcu'i rdul phra rab kyi rdul snyed kyi bskal par de bzhin gshegs pa thams
131a₄ cad la bde ba'i yo byad thams cad kyis bsnyen bkur byed kyang / de bzhin gshegs pa'i sngon gyi rnam par 'phrul pa 'di thos nas dad par mi byed na de nyes pa che ba yin no/ /de bzhin gshegs pa'i bkas rigs
131a₅ kyi bu de de bzhin gshegs pa la rim gror bya bas rim gror byed pa dang / rigs kyi bu'am rigs kyi bu mo gang gzhan zhig gis de bzhin gshegs pas yang dag par bstan pa 'di thos nas dad cing sems rab tu dang
131a₆ bas legs so zhes bya ba 'bul na/ gang de bzhin gshegs pa la mchod cing bsnyen bkur byas pa de bas 'di bsod nams ches lhag par brgya phrag stong sogs par 'gyur ro/ /de lta bas na rigs kyi bu gang
131a₇ dag nga la skyabs su song ba de dag gis mdo sde 'di bri bar bya bcang bar bya'o/ /de nas byang chub sems dpa' rnam par rgyal ba'i phung po dang / 'od phreng dang / glog gi 'od dang / spyan rnam par dag pa dang / byams pa
131a₈ dang / mi 'jigs mdzad dang / spyan ras gzigs dbang phyug dang / mthu chen thob dang / 'jam dpal dang / spobs pa dpa' bo dang / sgrib pa thams cad rnam par sel ba dang / spyan ras gzigs dang / kun tu bzang

_{iiif viewer powered by OpenSeadragon}

130b - 131b

Texts on this page