| e-texts navigator |
| བོད་ཡིག |
126a1 par byed pa'am/ de bzhin gshegs pa'i sku gzugs tshon gang tsam zhig byed na/ kun dga' bo bsod nams 'di la bsod nams snga ma des brgya'i char yang nye bar mi 'gro/ stong gi cha dang / 'bum
126a2 gyi cha dang / grangs dang / cha dang / dpe dang / rgyur yang nye bar mi 'gro'o/ /de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas rnams ni dpag tu med pa'i chos 'di lta bu
126a3 dag dang ldan te/ tshul khrims dpag tu med pa dang / ting nge 'dzin dpag tu med pa dang / shes rab dpag tu med pa dang / rnam par grol ba dpag tu med pa dang / rnam par grol ba'i ye shes gzigs pa dpag tu med
126a4 pa dang ldan pa'i phyir ro/ /kun dga' bo shar gyi lus 'phags gling chu zheng dang rgyar dpag tshad brgyad stong yod pa rgyun du zhugs pa rnams kyis kyang gang bar gyur ces bya ba nas rnam par grol ba'i ye shes gzigs pa zhes
126a5 bya ba'i bar du rgya cher snga ma bzhin du brjod par bya'o/ /kun dga' bo nub kyi ba lang spyod kyi gling chu zheng dang rgyar dpag tshad dgu stong yod pa rgyun du zhugs pa rnams kyis kyang gang bar gyur ces bya ba nas snga ma bzhin du
126a6 rgyas par sbyar ro/ /kun dga' bo byang gi sgra mi snyan gyi gling chu zheng du dpag tshad khri yod pa rgyun du zhugs pa rnams kyis kyang gang bar gyur ces bya ba nas snga ma bzhin du rgyas par sbyar ro/ /kun dga' bo lha'i dbang
126a7 po brgya byin gyi khang bzangs rnam par rgyal ba zhes bya ba ka ba brgyad khri bzhi stong rab tu brtan pa dag yod de/ ka ba de dag thams cad kyang lha'i bai dUr+ya sngon po yin no/ /kun dga' bo khang bzangs rnam par rgyal ba
126a8 gser gyi bye ma bdal ba la tsan dan gyi chus chag chag btab pa/ gser gyi dra bas g.yogs shing gser gyi dril bu g.yer khas bskor ba ste/ kun dga' bo gang zhig stong gsum gyi stong chen po'i 'jig rten gyi khams
iiif viewer powered by OpenSeadragon
Texts on this page
J151 - 'phags pa sgra chen po zhes bya ba theg pa chen po'i mdo