| e-texts navigator |
| བོད་ཡིག |
123b1 de'i tshe de'i dus na byang chub sems dpa' rdo rje'i rgyal mtshan zhes bya ba de gzhan yin pa snyam du sems na de de ltar mi blta'o/ /de ci'i phyir zhe na/ de'i tshe de'i dus na nga nyid byang chub sems dpa' rdo rje'i rgyal mtshan zhes bya bar gyur
123b2 te/ ngas chos kyi rnam grangs 'di la mos nas sems can de snyed kyi don byas so/ /'jam dpal rnam grangs des kyang khyod kyis 'di ltar rig par bya ste/ sman thams cad kyi kha ba ji lta ba de bzhin du chos kyi rnam grangs
123b3 'di la blta bar bya'o/ /'jam dpal gyis gsol pa/ bcom ldan 'das byang chub sems dpa' rig sngags kyi tshig 'di rnams 'dzin cing 'chang ba dang / kun chub par bgyid pas ji lta bur kun du spyad par bgyi/
123b4 bcom ldan 'das kyis bka' stsal pa/ 'jam dpal rig sngags 'di dag 'don pa'i byang chub sems dpas gtsang sbra bya ba dang / sha mi bza' bar kun du spyad par bya'o/ /des rkang pa gnyis kyang mi bsku'o/ /
123b5 'du 'dzi'i nang na gnas par mi bya'o/ /sems can thams cad la yang phyi phyir zhing byams pa'i sems su bya'o/ /gang dag las 'tshe ba 'ong bar 'gyur ba de dag la sems gdug par mi bya'o/ /chos kyi rnam grangs
123b6 'di yang gtsang sbra ma phyed pas kha ton mi bya'o/ /sa phyogs mi gtsang bar gzhag par mi bya'o/ /'jam dpal gyis gsol pa/ bcom ldan 'das bdag ni 'di snyam bgyid de/ chos kyi rnam grangs 'di ston pa'i
123b7 byang chub sems dpas bdag gi lus dang srog la mi lta bar bgyi'o snyam du sems so/ /bcom ldan 'das kyis bka' stsal pa/ 'jam dpal de de bzhin no/ /de de bzhin te/ khyod ji skad zer ba de bzhin no/ /de nas
123b8 bcom ldan 'das kyis tshe dang ldan pa kun dga' bo la bka' stsal pa/ chos kyi rnam grangs 'di skye bo mang po'i don byed par 'gyur gyis/ kun dga' bo khyod kyis zung shig /kun dga' bo sems can gang chos kyi
iiif viewer powered by OpenSeadragon
Texts on this page
J150 - glang po'i rtsal zhes bya ba theg pa chen po'i mdo