| e-texts navigator |
| བོད་ཡིག |
123a1 pas chos kyi rnam grangs 'di yon tan bsngags pa dang bcas par bzung zhing kun chub par byas te/ kun chub par byas nas kyang mos pa'i mthu dang ldan par gyur te/ grong dang grong khyer dang / ljongs dang / yul
123a2 dang yul 'khor dang / pho brang 'khor du 'ongs nas bdag ni sman pa'o/ /bdag ni sman pa'o zhes bdag nyid khas 'che'o/ /de nas de ma thag tu srog chags nad sna tshogs kyis gzir ba stong phrag du ma srog gi skyabs kyi
123a3 phyir byang chub sems dpa' rdo rje'i rgyal mtshan ga la ba der lhags so/ /de nas byang chub sems dpa' rdo rje'i rgyal mtshan mos pa'i mthu la gnas pa'i sems kyis sems can de dag la chos kyi gzhung 'dis brims so/ /
123a4 chos kyi rnam grangs 'di las gang rig sngags 'byung ba de dag gis kyang bsrung ba dang / bskyabs pa dang / yongs su bzung bar byas so/ /'jam dpal de la rig sngags kyi tshig de dag kyang gang zhe na/ tad ya thA/
123a5 a la ta/ bi tA la/ bi bi na/ a tiR+tha/ a b+h+ri da/ a nu Da/ bi bram+ha/ na hi kha ga ru da/ mA yA su kha/ A nAn ta/ dza la da/ na da mi tra/ a mi tra/ dzo tra hri ta/ sarba tra la/ a~M ga ma~M ga ar+tha yu ta/ sa bram+ha i sha /rig
123a6 sngags kyi tshig 'di rnams kyis sems can de dag bsrung ba byas so/ /des gal te gdug pas zos pa'am/ gal te mi ma yin pas gtses pa'am/ srog chags kyi rigs dug can gang yang rung ba 'ga' zhig gis zin pa
123a7 'am gal te nad skem pa dang / mdze byung ba 'am/ gal te rlung dang / mkhris pa dang / bad kan dang 'dus pa'i nad kyis btab pa/ nad sna tshogs kyis rab tu gzir ba'i sems can de dag nad de dang de dag las rab tu thar
123a8 bar byas so/ /'jam dpal de ltar na byang chub sems dpa' rdo rje'i rgyal mtshan gyis chos kyi rnam grangs 'di la gnas nas sems can de rnams nad las rab tu thar bar byas so/ /'jam dpal khyod ji snyam du sems/
iiif viewer powered by OpenSeadragon
Texts on this page
J150 - glang po'i rtsal zhes bya ba theg pa chen po'i mdo