| e-texts navigator |
| བོད་ཡིག |
122b1 bskor ba med par re bar bya'o/ /sangs rgyas mngon du bzhugs par yang skye bar re bar bya'o/ /smon lam thams cad grub par yang re bar bya'o/ /srog chags kyi rigs rkang pa med pa dang / rkang gnyis pa dang / rkang
122b2 bzhi pa dang / rkang pa mang po dug can rnams las bsrungs par re bar bya'o/ /de la mi'i rgyal po 'khrugs pa'i 'jigs pa med par re bar bya ste/ 'jam dpal gang sems la the tshom med pa dang / nem nur med par chos
122b3 kyi rnam grangs 'di 'dzin par byed/ 'chang bar byed/ klog par byed/ kun chub par byed/ gzhan la yang rgyas par yang dag par ston pa'i chos smra ba de la yon tan bsngags pa nyi shu po 'di rnams yod par re bar bya'o/ /
122b4 de nas bcom ldan 'das la 'jam dpal gzhon nur gyur pas 'di skad gsol to/ /bcom ldan 'das 'di lta ste/ dper na sman gyi shing thams cad ni sems can rnams kyi nad thams cad zhi bar bgyid do/ /de bzhin du
122b5 chos kyi rnam grangs 'di yang nad thams cad rab tu zhi bar bgyid par blta bar bgyi'o/ /bcom ldan 'das kyis bka' stsal pa/ de de bzhin no/ /'jam dpal de de bzhin te/ khyod kyis tshig 'di legs par smras so/ /
122b6 chos kyi rnam grangs 'di nad thams cad rab tu zhi bar byed pa'o/ /de ci'i phyir zhe na/ 'jam dpal sngon 'das pa'i dus bskal pa grangs med cing shin tu grangs med pa de'i tshe de'i dus na/ gang de bzhin gshegs pa dgra bcom pa
122b7 yang dag par rdzogs pa'i sangs rgyas seng ge'i stabs su 'gro ba zhes bya ba zhig 'jig rten du byung bar gyur te/ des srog chags stong phrag du ma rnams la rgyang ring po nas chos kyi rnam grangs 'di bshad do/ /de'i tshe 'khor der
122b8 byang chub sems dpa' rdo rje'i rgyal mtshan zhes bya ba 'dus te 'dus par gyur to/ /des de bzhin gshegs pa de las chos kyi rnam grangs 'di mnyan to/ /des sems g.yeng ba med pa dang / the tsom med pa dang / nem nur med
iiif viewer powered by OpenSeadragon
Texts on this page
J150 - glang po'i rtsal zhes bya ba theg pa chen po'i mdo