rKTs

e-texts navigator

Volume

Page

122a₁ 'khor bas skrag par mi 'gyur ba/ /des ni byang chub rnyed mi dka'/ /de nas bcom ldan 'das kyis tshigs su bcad pa 'di dag gsungs nas/ 'jam dpal gzhon nur gyur pa la 'di skad ces bka'
122a₂ stsal to/ /'jam dpal gang chos kyi rnam grangs 'di la mos par byed/ the tsom du mi byed/ nem nur du mi byed/ lung sbyin par byed/ 'dzin par byed/ klog par byed/ kun chub par byed/ gzhan la yang rgya cher
122a₃ yang dag par ston pa de'i phan yon bsngags pa nyi shu yod par nga bya'o/ /nyi shu gang zhe na/ lhas bsrungs par 'gyur/ klus bsrungs par 'gyur/ gnod sbyin gyis bsrungs par 'gyur/ sems g.yengs par mi
122a₄ 'gyur/ tshe brjes nas kyang tshe rabs dran par 'gyur/ mngon par shes pa lnga thob par 'gyur/ tshe brjes ma thag tu byang chub sems dpa' byams pa mthong bar 'gyur/ de ste chos kyi rnam grangs 'di sems mi g.yeng bar yid
122a₅ la byed cing gnyid kyi snyom pa sel na/ de'i rmi lam du sangs rgyas mthong bar 'gyur te/ byang chub sems dpa' mthong ba yang re bar bya'o/ /de chos kyi rnam grangs 'di la mos na rjes su 'thun pa'i chos rnams la bzod pa re
122a₆ bar bya'o/ /chos kyi rnam grangs 'di sems na tshe 'di nyid la gnod sems med par re bar bya'o/ /dug myur ba'i nang na 'dug na yang chos kyi rnam grangs 'di yid la byed na 'jigs pa med par rig par bya'o/ /slar rgol
122a₇ ba tshar gcod par re bar bya'o/ /kun tu snang ba'i ting nge 'dzin kyang thob par re bar bya'o/ /chos kyi rnam grangs 'di rtogs par byed pa'i tshe las kyi sgrib pa thams cad byang bar re bar bya'o/ /chos kyi rnam grangs 'di 'chad pa na
122a₈ yang chos kyi sgo brgya stong du ma thob par re bar bya'o/ /byang chub kyi sems mi brjed pa dang / mtha' yas 'khyil ba'i gzungs thob par yang re bar bya'o/ /chos kyi rnam grangs 'di yid la byed pa na yang bdud kyis

_{iiif viewer powered by OpenSeadragon}

121b - 122b

Texts on this page