| e-texts navigator |
| བོད་ཡིག |
118a1 chos thams cad yang dag pa ma yin/ yod pa ma yin/ rdzas ma yin pa de'i phyir sems can gang gA'i klung gi bye ma snyed mya ngan las bzlas kyang sems can med pa'i phyir sems can rnams las
118a2 gang yang zad par mi mngon no/ /shA ri'i bu de lta bas na gang sems can thams cad med pa'i 'du shes dang / de dag kyang mi dmigs pa 'di ni 'du shes med pa yongs su rdzogs pa'o/ /shA ri'i bu rnam
118a3 grangs des gang dag la byin pa rnam par smin pa med pa de dag gis 'du shes med pa yongs su rdzogs par byas pa yin no/ /gsol pa/ bcom ldan 'das ji ltar na gang dag gis 'du shes med pa yongs su
118a4 rdzogs par bgyid pa'i ye shes des myur du mi skye ba'i chos la bzod pa thob par 'gyur/ bcom ldan 'das kyis bka' stsal pa/ shA ri'i bu gang gis med pa mngon sum du byas pa de dag ni shes pa'o/ /med pa yang
118a5 gang zhe na/ med pa zhes bya ba ni bdag du lta ba dang / sems can du lta ba dang / srog tu lta ba dang / gang zag tu lta ba dang / chad par lta ba dang / rtag par lta ba'o/ /med pa zhes bya ba ni sangs rgyas su 'du shes pa dang / chos
118a6 su 'du shes pa dang / dge 'dun du 'du shes pa dang / mya ngan las 'da' bar 'du shes pa dang / ji tsam du sems kyi sbyor ba dang / spyod pa dang / shes pa dang / g.yo ba dang / spros pa de dag thams cad med pa'o/ /shA ri'i bu
118a7 de bas na tshul de lta bur yang dag pa ma yin par 'dzin pa de dag las yongs su grol ba de dag ni shes pa'o/ /shA ri'i bu rnam grangs des gang gis 'du shes med pa yongs su rdzogs par byas pa de dag myur du mi
118a8 skye ba'i chos la bzod pa thob par 'gyur ro/ /dgongs te gsungs pa'i bstan pa 'di bstan pa'i tshe/ byang chub sems dpa' bzhi khri nyis stong gis mi skye ba'i chos la bzod pa thob par gyur to/ /dge bsnyen drug
iiif viewer powered by OpenSeadragon
Texts on this page
J150 - glang po'i rtsal zhes bya ba theg pa chen po'i mdo