rKTs

e-texts navigator

Volume

Page

105a₁ na ston par gyur te chos ston par gyur cig / dge 'dun yang sdud par gyur cig ces byas so/ /'di ltar yang sems bskyed de/ gal te bdag ma 'ongs pa'i dus na sangs rgyas su 'gyur ba zhig na/ mar
105a₂ me 'di bdag phyir ma 'ongs kyi bar du 'bar bar gyur cig ces byas nas mar me de spar te grong khyer du song na/ mar me de'i 'od kyis 'dzam bu'i gling thams cad snang bar gyur te nam nangs kyi bar du yang mar me de ma shi'o//
105a₃ de nas tshe dang ldan pa maud gal gyi bu chen pos chos gos kyi mtha' mas mar me gsad par byas na gsad par ma nus so/ /de nas tshe dang ldan pa maud gal gyi bu chen pos rnam par 'thor rlung gis gsad par byas
105a₄ kyang gsad par ma nus so/ /de nas tshe dang ldan pa maud gal gyi bu chen pos tshangs pa'i 'jig rten du 'dug nas stong gsum 'dir shing rta'i srog shing tsam gyi char gyi rgyun dbab par byin gyis brlabs te mar me
105a₅ de'i steng du btang yang gsad par ma nus so/ /de nas bcom ldan 'das kyis bka' stsal pa/ maud gal gyi bu thong shig /mar me 'di ni byang chub kyi sems kyis sbar ba yin la/ byang chub kyi sems
105a₆ ni nyan thos kyis zil gyis gnan par mi nus so/ /de ci'i phyir zhe na/ thams cad mkhyen pa nyid kyi sems ni nyan thos dang rang sangs rgyas thams cad kyis zil gyis mnan du med pa'i phyir ro/ /de nas re zhig
105a₇ na bud med de nyi ma shar te grong khyer nas phyir 'ongs nas des mar me de shin du 'bar ba mthong ba dang / de mchog tu dga' ba chen pos rgyas par gyur to/ /de nas bcom ldan 'das kyis de'i tshe 'dzum pa mdzad
105a₈ do/ /sangs rgyas bcom ldan 'das rnams kyi chos nyid ni 'di yin te/ gang gi tshe sangs rgyas bcom ldan 'das 'dzum pa mdzad pa de'i tshe sangs rgyas bcom ldan 'das rnams kyi zhal gyi sgo nas 'od zer kha

_{iiif viewer powered by OpenSeadragon}

104b - 105b

Texts on this page