| e-texts navigator |
| བོད་ཡིག |
329a1 sems dpa' sems dpa' chen po 'di ni byams par 'gyur te/ 'di ltar 'di grong dang / grong khyer dang / grong rdal dang / yul 'khor dang / tshong 'dus su 'gro ba na sems can rnams byams pa'i ting nge 'dzin la snyoms
329a2 par 'jug pa'i phyir ro zhes sgra sgrogs shing skad 'byin par byed do/ /sa bla pa'i lha rnams kyi sgra thos nas bar snang gi lha rnams kyis sgra bsgrags shing skad phyung ngo / /de dag gi sgra thos nas rgyal chen bzhi'i ris kyi lha
329a3 rnams dang / sum bcu rtsa gsum pa'i lha rnams dang / 'thab bral dang / dga' ldan dang / 'phrul dga' dang / gzhan 'phrul dbang byed kyi lha rnams nas gnas gtsang ma'i lha rnams kyi bar du gcig nas gcig tu sgra
329a4 thos nas a la la byang chub sems dpa' sems dpa' chen po 'di ni byams par 'gyur te/ 'di ltar 'di grong dang / grong khyer dang / grong rdal dang / yul 'khor dang / tshong 'dus su song ba na sems can rnams byams pa'i
329a5 ting nge 'dzin la snyoms par zhugs pa'i phyir ro zhes sgra bsgrags shing skad phyung ngo / /de'i ming de la yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen gdugs
329a6 des rjes su yi rang bar mdzad de/ 'di skad du byang chub sems dpa' dge slong blo gros brtan po 'di ni srid par 'gro ba'i 'chi 'pho dang skye ba thams cad du byang chub sems dpa' sems dpa' chen po byams pa zhes bya bar 'gyur te/
329a7 mngon par grags par 'gyur ro/ /byang chub thob pa'i tshe yang 'di'i ming de nyid du 'gyur te 'jig rten du nyan thos kyi dge 'dun dpag tu med pa dang / rin po che bkod pa'i sangs rgyas kyi zhing gi bde ba thams cad dang ldan
329a8 pa'i sems can rnams 'dus pa'i nang du de bzhin gshegs pa dgra bcom pa yang dag par rdzogs pa'i sangs rgyas byams pa zhes bya bar 'gyur ro zhes lung bstan to/ /rigs kyi bu de'i tshe de'i dus na dge slong
iiif viewer powered by OpenSeadragon
Texts on this page
J142 - 'phags pa byams pa 'jug pa zhes bya ba theg pa chen po'i mdo