rKTs

e-texts navigator

Volume

Page

303a₁ 'phel ba ma yin/ kun nas nyon mongs pa ma yin/ rnam par byang ba ma yin no/ /de ci'i phyir zhe na/ 'di ltar de dag ni yod pa ma yin zhing dmigs su med de tha snyad tsam du zad pas ci yang ma yin/ gang gis
303a₂ gang gi yang ma yin/ gang la yang mi gnas te gnas pa med do/ /btsun pa shA ri'i bu gang 'di lta bu'i mi 'gag pa de ni byang chub bo/ /byang chub gang yin pa de ni thar pa'o/ /thar pa gang yin pa de ni rnam par mi rtog pa'o/ /
303a₃ gang rnam par mi rtog pa de ni mi byed cing 'gyur ba med do/ /gang mi byed cing 'gyur ba med pa de ni yongs su mya ngan las 'das pa'o/ /de nas bcom ldan 'das kyis gnas brtan shA ri'i bu la 'di skad ces bka' stsal to/ /shA
303a₄ ri'i bu 'jam dpal gzhon nur gyur pas ji skad bstan pa de bzhin te/ de bzhin nyid ni 'bri ba ma yin/ 'phel ba ma yin no/ /chos kyi dbyings kyang 'bri ba ma yin/ 'phel ba ma yin no/ /sems can gyi khams
303a₅ kyang 'bri ba ma yin/ 'phel ba ma yin no/ /kun nas nyon mongs pa ma yin/ rnam par byang ba ma yin no/ /de ci'i phyir zhe na/ 'di ltar de dag yod pa ma yin zhing dmigs su med de tha snyad tsam du zad pas ci yang ma yin/
303a₆ gang gis kyang ma yin/ gang la 'ang mi gnas te gnas pa med do/ /de nas bcom ldan 'das kyis de'i tshe tshigs su bcad pa 'di dag bka' stsal to/ /'das pa dag dang ma 'ongs dang / /da ltar byung chos
303a₇ brjod pa ni/ /don gyis ma yin tha snyad tsam/ /gcig dang sna tshogs mtshan nyid min/ /mtshan nyid med par gang rtog pa/ /de dag nyid ni mtshan nyid 'gyur/ /mtshan nyid med la rtog pa med/ /rtog pa nyid kyang
303a₈ mtshan nyid min/ /'dus ma byas la gang rtog dang / /mya ngan 'das la gang rtog pa/ /gnyi ga bdud kyi las yin zhes/ /de ni mkhas pa rnams kyis bshad/ /phung po skye mched khams kyi rnams/ /de dag ming

_{iiif viewer powered by OpenSeadragon}

302b - 303b

Texts on this page