| e-texts navigator |
| བོད་ཡིག |
302b1 bcom ldan 'das kyis gnas brtan shA ri'i bu la 'di skad ces bka' stsal to/ /shA ri'i bu khyod de skad ma zer cig /de ci'i phyir zhe na/ shA ri'i bu dge slong brgya po de dag sems can dmyal ba chen po ngu 'bod du reg pa
302b2 thang cig reg nas dga' ldan gyi lha rnams dang skal ba mnyam par skye bar 'gyur ro/ /shA ri'i bu gal te dge slong de dag gis chos kyi rnam grangs 'di ma thos su zin na de dag gdon mi za bar sems can dmyal bar 'gro bar
302b3 'gyur te/ las de zad nas mir skye bar 'gyur ba zhig na de dag gis chos kyi rnam grangs 'di la brten pas bskal par sems can dmyal ba myong bar 'gyur ba'i las de yang cung zad cig myong bar byas so/ /shA ri'i bu de'i phyir dge
302b4 slong brgya po de dag de bzhin gshegs pa byams pa'i nyan thos thog ma 'dus par dgra bcom pa zag pa zad par 'gyur ro/ /shA ri'i bu de lta bas na chos kyi rnam grangs 'di som nyi dang bcas pas thos na ni dam pa yin gyis/
302b5 bsam gtan bzhi la snyoms par zhugs pas ni de lta ma yin/ tshad med pa bzhis ni de lta ma yin/ gzugs med pa'i snyoms par 'jug pa bzhi bsgoms pas ni de lta ma yin no/ /de ci'i phyir zhe na/ chos 'di lta bu ma thos
302b6 par 'khor ba las yongs su ma grol/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrugs pa rnams las yongs su ma grol zhes bshad do/ /de nas
302b7 tshe dang ldan pa shA ri'i bus 'jam dpal gzhon nur gyur pa la 'di skad ces smras so/ /'jam dpal 'di ltar sems can yongs su smin par bya ba'i phyir khyod kyis chos kyi rnam grangs 'di legs par bshad pa ngo mtshar to/ /
302b8 'jam dpal gyis smras pa/ btsun pa shA ri'i bu de bzhin nyid ni 'bri ba ma yin/ 'phel ba ma yin no/ /chos kyi dbyings kyang 'bri ba ma yin/ 'phel ba yang ma yin no/ /sems can gyi khams kyang 'bri ba ma yin/
iiif viewer powered by OpenSeadragon
Texts on this page
J140 - 'phags pa 'jam dpal gnas pa zhes bya ba theg pa chen po'i mdo