| e-texts navigator |
| བོད་ཡིག |
302a1 mnyan par mi nus so/ /'jam dpal gzhon nur gyur pa phyogs gang na gnas pa'i phyogs de yang spang bar bya'o/ /de ci'i phyir zhe na/ 'jam dpal gzhon nur gyur pa yod pa ma yin te dmigs su med pas gang de'i
302a2 gnas kyang yod pa ma yin te/ dmigs su med do/ /gang yod pa ma yin te dmigs su med pa de ni bsten par bya ba ma yin no/ /de nas dge slong lnga brgya po de dag 'jam dpal gzhon nur gyur pas bstan pa 'di thos pa dang / slar
302a3 phyogs der log nas 'jam dpal gzhon nur gyur pa la 'di skad ces smras so/ /'jam dpal bdag cag ni ji ltar khyod kyis bstan pa de ltar mi shes so/ /'jam dpal gyis smras pa/ dge slong dag legs so legs so/ /
302a4 de lta bu ni ston pa'i nyan thos rnams kyis bya ba ste/ dge slong dag 'di la ni kun shes par bya ba med/ rnam par shes par bya ba med do/ /de ci'i phyir zhe na/ 'di ltar chos kyi dbyings 'di ni gnas med pa'i tshul gyis gnas pa nyid do/ /
302a5 chos kyi dbyings gang yin pa de dbyings ma yin no/ /de ni yod pa ma yin te dmigs su med cing g.yo ba med la 'chi 'pho med do/ /gang g.yo ba med cing 'chi 'pho med pa de kun shes par bya ba ma yin/ rnam par shes par
302a6 bya ba ma yin no/ /gang kun shes par bya ba dang / rnam par shes par bya ba'i rlom sems med pa de ni ston pa'i nyan thos shes bya/ mchog thob pa zhes bya/ gtso bo zhes bya/ sbyin gnas shes bya'o/ /bstan pa 'di bshad pa na dge
302a7 slong lnga brgya po de dag las dge slong bzhi brgya ni len pa med par zag pa rnams las sems rnam par grol lo/ /dge slong brgya ni sems cher 'khrugs nas lus de nyid dang sems can dmyal ba chen po ngu 'bod du lhung ngo / /
302a8 de nas tshe dang ldan pa shA ri'i bus 'jam dpal gzhon nur gyur pa la 'di skad ces smras so/ /'jam dpal khyod sems can rjes su bsrung ba'i chos mi ston pas dge slong brgya po de dag chud zos te ngo mtshar byas so/ /de nas
iiif viewer powered by OpenSeadragon
Texts on this page
J140 - 'phags pa 'jam dpal gnas pa zhes bya ba theg pa chen po'i mdo