| e-texts navigator |
| བོད་ཡིག |
301b1 med cing sems dang bral te gnas med pa'i tshul gyis dge sbyong gi chos la gnas pa zhes bya'o/ /de nas 'jam dpal gzhon nur gyur pas bstan pa 'di bshad pa na 'khor de'i dge slong lnga brgya po stan las langs
301b2 nas 'di skad ces 'jam dpal gzhon nur gyur pa mi blta'o/ /'jam dpal gzhon nur gyur pa la mi mnyan to/ /'jam dpal gzhon nur gyur pa phyogs gang na gnas pa'i phyogs de yang spang bar bya'o/ /de ci'i phyir
301b3 zhe na/ 'di ltar 'jam dpal gzhon nur gyur pa ni ston pa mngon sum du gyur bzhin du kun nas nyon mongs pa dang / rnam par byang ba mtshan nyid gcig tu ston pas chos ma yin pa smra'o zhes brjod nas de dag yang
301b4 'di snyam du sems te/ bdag cag ji ltar bcom ldan 'das kyis legs par gsungs pa'i chos 'dul ba la tshangs par spyod pa spyad snyam nas dong ngo / /de nas gnas brtan shA ri'i bus 'jam dpal gzhon nur gyur pa
301b5 la 'di skad ces smras so/ /'jam dpal khyod 'di ltar sems can rnams kyis chos kun shes par 'gyur bar bya ba'i phyir chos mi ston tam/ 'jam dpal gyis smras pa/ btsun pa shA ri'i bu de bzhin no/ /shA ri'i bus smras
301b6 pa/ dge slong lnga brgya po de dag bstan las langs te 'phya smod/ mi snyan par zer zhing dong ngo / /'jam dpal gyis smras pa/ btsun pa shA ri'i bu gang gi phyir dge slong lnga brgya po de dag 'di skad ces/ 'jam dpal
301b7 gzhon nur gyur pa mi blta'o/ /'jam dpal gzhon nur gyur pa la mi mnyan to/ /'jam dpal gzhon nur gyur pa gang na gnas pa'i sa phyogs de yang spang bar bya'o zhes zer ba de ni legs so legs so/ /shA ri'i bu dge
301b8 slong de dag gi tshig de ni legs par smras pa'o/ /de ci'i phyir zhe na/ 'di ltar 'jam dpal gzhon nur gyur pa ni yod pa ma yin te dmigs su med do/ /gang yod pa ma yin te dmigs su med pa de la blta ba dang
iiif viewer powered by OpenSeadragon
Texts on this page
J140 - 'phags pa 'jam dpal gnas pa zhes bya ba theg pa chen po'i mdo