| e-texts navigator |
| བོད་ཡིག |
300b1 gnyis kyis rab tu phye ba med do/ /de bzhin gshegs pa ni brjod pa'am mi brjod pas rab tu phye ba ma yin no/ /de ci'i phyir zhe na/ btsun pa shA ri'i bu 'di ltar de bzhin gshegs pa ni brjod pa yang dag par chad pa/
300b2 btags pa med pa/ gdags par bya ba ma yin pa'o/ /shA ri'i bus smras pa/ 'jam dpal su zhig chos bstan pa 'di lta bu 'di'i snod du 'gyur/ 'jam dpal gyis smras pa/ btsun pa shA ri'i bu gang 'dus byas
300b3 kyi khams rnam par 'khrugs par mi 'gyur zhing yongs su mya ngan las 'da' bar 'dod par yang mi 'gyur ba de ni chos bstan pa 'di lta bu 'di'i snod du 'gyur ro/ /gang 'das pa'i chos rnams mi dmigs shing 'das
300b4 pa'i chos rnams kun shes par mi 'gyur ba dang / gang 'das pa dang / ma 'ongs pa dang / da ltar byung ba'i chos rnams mi dmigs shing 'das pa dang / ma 'ongs pa dang / da ltar byung ba'i chos rnams kun shes par mi 'gyur
300b5 ba de chos bstan pa 'di lta bu 'di'i snod du 'gyur ro/ /gang kun nas nyon mongs pa dang / rnam par byang ba mi mthong zhing de nye bar len par yang mi 'gyur ba de chos bstan pa 'di lta bu 'di'i snod du 'gyur ro/ /gang bdag
300b6 dang bdag med par yang spyod par mi 'gyur ba dang / gang len pa dang / 'dor bar yang spyod par yang mi 'gyur ba de chos bstan pa 'di lta bu 'di'i snod du 'gyur te/ de ni bshad pa 'di'i don kun shes par 'gyur
300b7 ro/ /shA ri'i bus smras pa/ 'jam dpal 'di la ci zhig kun shes par 'gyur/ 'jam dpal gyis smras pa/ btsun pa shA ri'i bu bshad pa 'di'i don shes par 'gyur ba ci zhig yod na/ 'di la ci
300b8 zhig kun shes par 'gyur zhes de skad 'dri/ shA ri'i bus smras pa/ 'jam dpal chos zab mo bstan pa 'di mngon sum du 'gyur ba nyung / 'di ni yongs su 'dzin par 'gyur ba nyung ngo / /
iiif viewer powered by OpenSeadragon
Texts on this page
J140 - 'phags pa 'jam dpal gnas pa zhes bya ba theg pa chen po'i mdo