| e-texts navigator |
| བོད་ཡིག |
275a1 dag go/ /dge slong lnga brgya ni len pa med par zag pa rnams las sems rnam par grol lo/ /sngon byang chub tu sems ma bskyed pa'i dge slong ma nyis brgya dang srog chags nyi khris ni bla na med pa yang
275a2 dag par rdzogs pa'i byang chub tu sems bskyed do/ /bcom ldan 'das kyis de skad ces bka' stsal nas/ byang chub sems dpa' zla mchog dang / tshe dang ldan pa kun dga' bo dang / byang chub sems dpa' de dag dang / nyan
275a3 thos chen po de dag dang / thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /
275a4 'phags pa bu mo zla mchog lung bstan pa zhes bya ba theg pa chen po'i mdo rdzogs so// // rgya gar gyi mkhan po/ dzi na mi tra dang / zhu chen gyi lo ts+tsha ba ban d+he ye shes sdes zhus te gtan la phab pa'o/ /
275a5 @#/ /rgya gar skad du/ Ar+ya k+She mA ba tI byA ka ra Na nA ma ma hA yA na sU tra/ bod skad du/ 'phags pa bde ldan ma lung bstan pa zhes bya ba theg pa chen po'i mdo/ sangs rgyas dang byang chub
275a6 sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la dge slong nyi khri'i dge slong gi dge 'dun chen po dang / byams
275a7 pa dang / 'jam dpal la sogs pa byang chub sems dpa' sems dpa' chen po rab tu mang po dang thabs gcig tu bzhugs so/ /de nas bcom ldan 'das snga dro'i dus kyi tshe chos gos dang sham thabs gsol te/ lhung
275a8 bzed bsnams nas byang chub sems dpa' sems dpa' chen po byams pa dang thabs gcig tu rgyal po'i khab kyi grong khyer chen por bsod snyoms la gshegs so/ /de nas bcom ldan 'das rgyal po'i khab kyi
iiif viewer powered by OpenSeadragon
Texts on this page
J135 - 'phags pa bu mo zla mchog lung bstan pa zhes bya ba theg pa chen po'i mdo
J136 - 'phags pa bde ldan ma lung bstan pa zhes bya ba theg pa chen po'i mdo