| e-texts navigator |
| བོད་ཡིག |
112b1 dge slong de dag yi rangs te/ bcom ldan 'das kyis gsungs pa la mngon par bstod do/ /'phags pa sbyin pa'i phan yon bstan pa rdzogs so// // rgya gar gyi mkhan po su ren dra bo d+hi dang / zhu chen gyi lo ts+tsha ba ban de
112b2 ye shes sdes bsgyur cing zhus te gtan la phab pa/ / @#/ /rgya gar skad du/ Ar+ya bo d+h-i sa twa tsar+ya nir de sha nA ma ma hA ya na sU tra/ bod skad du/ 'phags pa byang chub sems dpa'i spyod pa bstan pa zhes bya ba theg pa
112b3 chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das yangs pa can na tshal chen po'i khang pa brtsegs pa'i gnas na dge
112b4 slong stong tham pa'i dge slong gi dge 'dun chen po thams cad kyang dgra bcom pa/ zag pa zad pa nyon mongs pa med pa/ dbang dang ldan par gyur pa/ sems shin du rnam par grol ba/ shes rab shin du rnam par grol ba/
112b5 cang shes pa/ glang po chen po/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin du rnam par grol ba/
112b6 sems can thams cad kyi dbang gi dam pa'i pha rol du phyin pa/ spyod lam zhi ba dang / dul ba dang / rnam par grol ba dang / ma brtags pa dang ldan pa sha stag la 'di lta ste/ tshe dang ldan pa kun dga' bo gang zag gcig ni
112b7 ma gtogs te/ de yang bcom ldan 'das kyis nyams su len par bka' stsal te/ tshe 'di nyid la lung bstan pa dang / byang chub sems dpa' stong tham pa thams cad kyang phyir mi ldog pa/ thams cad kyang gzungs thob pa/
112b8 thams cad kyang mnyam pa nyid kyi bzod pa dang ldan pa/ thams cad kyang ji skad smras pa de bzhin du byed pa'i sa thob pa/ mkhas pa/ drang po/ dad pa dang ldan pa/ rtog pa mang ba/ dang ba gtso bor byed pa bzhin 'dzum pa/ khro gnyer
iiif viewer powered by OpenSeadragon
Texts on this page
J127 - 'phags pa sbyin pa'i phan yon bstan pa
J128 - 'phags pa byang chub sems dpa'i spyod pa bstan pa zhes bya ba theg pa chen po'i mdo