rKTs

e-texts navigator

Volume

Page

109a₁ pa'i nang du gzhan gyis bkur sti bya bar 'gyur/ dus su byin pas ni de'i nor rnams dus su 'grub cing rgyas par 'gyur/ 'thun pa dang yid du 'ong ba byin pas ni mal dang gos la sogs pa longs spyod
109a₂ yid du 'ong ba rnams la sems 'jug par 'gyur/ gzhan la mi gnod par byin pas ni longs spyod brtan pa dag 'thob par 'gyur/ mi dga' ba dang du len pa'i sbyin pas ni 'khor snying nye bar 'gyur/ zas byin pas ni
109a₃ stobs dang ldan par 'gyur/ skom byin pas ni skom pa med par 'gyur/ gos byin pas ni kha dog dang ldan par 'gyur/ mar me byin pas ni mig dang ldan par 'gyur/ rol mo'i sgra 'byin pas ni rna ba nyams pa
109a₄ med par 'gyur/ bzhon pa byin pas ni bde ba dang ldan par 'gyur/ sman byin pas ni nad nyung bar 'gyur/ me tog byin pas ni gzhan gyis mchod par 'gyur/ me tog phreng byin pas ni gzhan gyis rim gro bya bar
109a₅ 'gyur/ bstod pa byin pas ni tshangs pa'i dbyangs dang ldan par 'gyur/ bstan byin pas ni bla ma'i gnas thob par 'gyur/ bzhon pa byin pas ni rdzu 'phrul dang ldan par 'gyur/ byug pa byin pas ni rma med par 'gyur/
109a₆ phyag dar bya ba byin pas ni rdul dang bral bar 'gyur/ dril bu byin pas ni tshe rabs dran par 'gyur/ gnas byin pas ni thams cad byin par 'gyur/ chos byin pas ni bdud rtsi byin par 'gyur gyis bdag gis/
109a₇ chos kyi sbyin pa sbyin par bya gor ma chag snyam mo/ /de sbyin pa de lta bu sbyin pa na chags pas sbyin par mi byed/ /sdang bas sbyin par mi byed/ rmongs pas sbyin par mi byed/ tshig pa za zhing sbyin par mi byed/ brnyas
109a₈ bzhin du sbyin par mi byed/ rdeg cing sbyin par mi byed/ tshar bcad de sbyin par mi byed/ khyad du gsod cing sbyin par mi byed/ smad de sbyin par mi byed/ nga rgyal gyis khengs bzhin du sbyin par mi byed/

_{iiif viewer powered by OpenSeadragon}

108b - 109b

Texts on this page