rKTs

e-texts navigator

Volume

Page

5b₁ blta 'dod pa/ blta na sdug pa 'di 'dra ba ni bdag gis rnyed pa rab tu rnyed do/ /bde bar gshegs pa rnyed pa rab tu rnyed do/ /bcom ldan 'das kyis de skad ces bka' stsal nas 'jam dpal gzhon nur gyur pa dga'o/ /byang chub
5b₂ sems dpa' sems dpa' chen po de dag dang / dge slong de dag bcom ldan 'das kyis bshad pa la mngon par bstod do/ /'phags pa 'jam dpal gyis dris pa zhes bya ba theg pa chen po'i mdo/ rdzogs s+ho// //
5b₃ @##/ /rgya gar skad du/ Ar+ya nai ra ad ma pa ri prits+tshA nA ma ma hA yA na sU tra/ bod skad du/ 'phags pa bdag med pa dris pa zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo/ /
5b₄ de nas dmigs pa'i lta ba can rnam par rtog pa dang / bcas shing rnam par dpyod pa dang bcas pa'i mu stegs pa de dag rnams theg pa chen po'i nang du song ste/ zhe sa dang bcas shing thal mo sbyar nas bdag med pa'i dri ba dag yongs su
5b₅ dris pa/ rigs kyi bu thams cad mkhyen pas ni lus la bdag med do zhes gsungs la/ gal te lus la yang dag par bdag med na ji ltar na de las rtse ba dang / dgod pa dang / ngu ba dang / rol ba dang / khro ba dang / nga rgyal dang / phrag dog dang /
5b₆ phra ma la sogs pa kun tu 'byung bar 'gyur/ ci lus la yang dag par na bdag yod dam med pa yin/ bdag cag gi the tsom de dag khyod kyis bsal ba'i rigs so/ /theg pa chen po pa rnams kyis smras pa/ grogs po
5b₇ dag lus la ni bdag yang dag par yod do zhe 'am/ med do zhes gnyi gar yang 'dir brjod par mi bya ste/ yang dag par yod do zhes brjod pa na med do zhes brjod pa ni log par smra ba'o/ /gal te yod na ji ltar na de skra dang sen mo dang /
5b₈ lpags pa dang / mgo bo dang / sha dang / rus pa dang / rkang dang / tshil dang / rgyus pa dang / mchin pa dang / rgyu ma dang / mid pa dang / lag pa dang / rkang pa dang / yan lag dang / nying lag la sogs pa lus thams cad kyi phyi dang nang du bcas pa la rnam

_{iiif viewer powered by OpenSeadragon}

5a - 6a

Texts on this page