| e-texts navigator |
| བོད་ཡིག |
96b1 'gyur te/ sangs rgyas mthong ba dang / dam pa'i chos mnyan pa dang / sems can yongasu smin par bya ba dang / dge ba'i rtsa ba yongasu 'bar ba dang yang mi 'bral bar 'gyur ro/ /'od srung 'di lta ste dper na/ rgya mtsho chen po la brten cing sems
96b2 can tshad med pa dag gnas so/ /'od srung de bzhin du byang chub sems dpa' la brten cing sems can tshad med pa dag phun sum tshogs pa gsum la gnas so/ /gsum gang zhe na/ lha'i phun sum tshogs pa dang / mi'i phun sum tshogs pa
96b3 dang mya ngan las 'das pa'i phun sum tshogs pa'o/ /'od srung 'di lta ste dper na/ rgya mtsho chen po ni sems can dag gis btung bar mi nus so/ /'od srung de bzhin du skyes bu dam pa de dag gi gang chos bstan pa de dag kyang pha rol gyi rgol
96b4 ba rnams kyis btung bar mi nus so/ /'od srung 'di lta ste dper na/ rgya mtsho chen po'i nang nas sems can gnas pa de dag ni chu gzhan mi tshol gyi de nyid la 'thung ngo / /'od srung de bzhin du skyes bu dam pa de dag kyang gzhan gyi ngo lta bas chos kyi
96b5 ro mi 'thung gi/ rang byung gi ye shes kyi chos kyi ro 'thung ngo / /de nas gnas brtan 'od srung chen pos bcom ldan 'das la 'di skad ces gsol to/ /bcom ldan 'das stong gsum gyi stong chen po'i 'jig rten gyi khams kyi rgya mtsho chen po'i
96b6 gting ngam tshad gzung ba ni nus kyi nyan thos dang / rang sangs rgyas dang / lha dang bcas pa'i 'jig rten gyis skyes bu dam pa de dag gi gting ngam tshad gzung ba ni mi nus te/ de bas na skyes bu dam pa de dag sems nam mkha' dang mtshungs shes bgyi
96b7 'o/ /bcom ldan 'das kyis bka' stsal pa/ 'od srung stong gsum gyi stong chen po'i 'jig rten gyi khams gang ga'i klung gi bye ma snyed kyi rgya mtsho chen po rnams kyi gting ngam tshad ni gzung bar nus kyi nyan thos dang / rang sangs rgyas dang / lha dang bcas
96b8 pa'i 'jig rten gyi skyes bu dam pa blo gros mchog rgya mtsho dang ldan pa de dag gi gting ngam tshad gzung ba ni mi nus so/ /de nas de'i tshe bcom ldan 'das kyis tshigs su bcad pa 'di dag gsungs so/ /ji ltar chog mi shes par chu chen gter/ /'bab chu
iiif viewer powered by OpenSeadragon
Texts on this page
J104 - 'phags pa tshangs pa khyad par sems kyis zhus pa zhes bya ba theg pa chen po'i mdo