rKTs

e-texts navigator

Volume

Page

96a₁ mtshe'u dang / rdzing bu dang / mtsho thams cad sngar skam par 'gyur te/ phyis rgya mtsho chen po zad cing skams par 'gyur ro/ /'od srung de bzhin du dam pa'i chos nub par 'gyur ba'i tshe nyi tshe bar spyod pa la zhugs pa'i sems can thams
96a₂ cad kyi dam pa'i chos sngar nub par 'gyur te/ phyis skyes bu dam pa blo gros rgya mtsho lta bu sangs rgyas kyi theg pa yang dag par 'dzin pa de dag gi lag nas dam pa'i chos nub par 'gyur te/ yang 'od srung skyes bu dam pa de dag ni srog kyang yongs
96a₃ su gtong bar byed kyi dam pa'i chos yongs su gtong bar mi byed na/ 'od srung skyes bu dam pa de lta bu dag gi lag nas dam pa'i chos nub par 'gyur ba yod dam/ de dag gi dam pa'i chos nub par khyod kyis blta'o/ /'od srung 'di lta ste dper na/
96a₄ rgya mtsho chen po nor bu rin po che rin po che thams cad 'dus pa zhes bya ba rdo rje tshogs kyi nor bu chen po zhig yod de/ de nyi ma bdun shar nas tshangs pa'i 'jig rten gyi bar du 'od zer byung yang rin po che de tshig par mi 'gyur te/ gang 'jig rten gyi khams
96a₅ kyi bar gyi sangs rgyas kyi zhing gzhan dag na rgya mtsho chen po yod pa der nor bu rin po che de der 'pho bar 'gyur te/ 'od srung gang nor bu rin po che de rgya mtsho chen po las gzhan du ma 'phos pa dang / 'jig rten gyi khams 'dir tshig par mi 'gyur ba de ni gnas
96a₆ ma yin zhing go skabs med de/ de ni gnas med do/ /'od srung de bzhin du skyes bu dam pa de lta bu de dag kyang dam pa'i chos yongs su zad par 'gyur te/ 'jig rten gnas par dam pa ma yin pa'i chos bdun byung ba'i tshe sangs rgyas kyi zhing gzhan du
96a₇ 'pho bar 'gyur ro/ /bdun gang zhe na/ 'di lta ste/ mu stegs can gyi gnas dang / sdig pa'i grogs pos yongs su zin pa dang / log pa'i sbyor ba dang / gcig la gcig 'tshe ba'i sbyor ba dang / lta bar gyur pa'i thib po dang / dge ba'i rtsa ba
96a₈ 'joms par byed pa dang / ma thob cing mngon par ma rtogs pa ste/ dam pa ma yin pa'i chos bdun po de dag 'jig rten gnas par byung ba de na sems can rnams snod ma yin par shes nas skyes bu dam pa de dag sangs rgyas kyi zhing gzhan du 'pho bar

_{iiif viewer powered by OpenSeadragon}

95b - 96b

Texts on this page