rKTs

e-texts navigator

Volume

Page

95a₁ kyis char pa'i rgyun shing rta'i srog shing tsam de dag mi bzod do/ /'od srung gal te klu chen po de dag gis 'dzam bu gling 'dir char phab par gyur na des 'dzam bu gling 'di grong dang / grong khyer dang bcas/ ri dang brag dang ri bor bcas/ 'khor yug
95a₂ dang 'obasu bcas pa 'di lta ste/ rdza ma'i chus rgya shug gi lo ma bteg pa bzhin du bteg nas khyer bar 'gyur te/ de bas na klu chen po de dag 'dzam bu gling 'dir char pa mi 'bebs so/ /'od srung de bzhin du skyes bu dam pa 'di dag la ni gang gi
95a₃ phyir sems can de dag gzhan la chos kyi char pa chen po mi 'bebs par 'gyur ba'i chos kyi ser sna med mod kyi 'on kyang 'di dag chos 'di lta bu dag gi snod du ma gyur te/ de lta bas na skyes bu dam pa de dag rgya mtsho lta bu'i blo mchog dang ldan pa de
95a₄ dag la chos kyi char pa chen po 'bebs so/ /'od srung 'di lta ste dper na char pa'i rgyun shing rta'i srog shing tsam bab pa de dag gis kyang rgya mtsho chen po bri ba yang med/ gang ba yang med do/ /'od srung de bzhin du skyes bu dam pa de dag bskal pa
95a₅ brgyad chos nyan tam 'chad kyang chos gang yang bri ba'am gang bar mi 'gyur ro/ /'di lta ste dper na rgya mtsho chen po der gling chen po bzhi'i klung sna tshogs nas gang chu 'bab pa de dag thams cad 'di lta ste/ lan tshwa'i ror ro gcig par 'gyur ro/ /
95a₆ 'od srung de bzhin du skyes bu dam pa de dag rnam grangs sna tshogs su chos bstan pa bshad pa dag thos ma thag du 'di lta ste/ stong pa nyid kyi ror ro gcig tu mos par 'gyur ro/ /'di lta ste dper na rgya mtsho chen po ni dag pa/ gtsang ba dri ma med pa/
95a₇ gsal ba/ rnyog pa med pa yin te/ chu rnyog pa can mi 'dzin to/ /'od srung de bzhin du skyes bu dam pa de dag kyang dag pa/ gtsang ba/ dri ma med pa/ gsal ba ste/ gnod sems dang / zhe sdang dang / khro ba dang / 'khon du 'dzin pa'i tha
95a₈ ba thams cad mi 'dzin to/ /'di lta ste dper na rgya mtsho chen po ni zab cing gting dpag dka' ba'o/ /de bzhin du skyes bu dam pa de dag kyang chos kyi tshul zab mo la rab tu zhugs shing / nyan thos dang / rang sangs rgyas thams cad kyi gting

_{iiif viewer powered by OpenSeadragon}

94b - 95b

Texts on this page