rKTs

e-texts navigator

Volume

Page

94b₁ sdug bsngal gyis kyang ma yin/ bde bas kyang mi 'phrogs so/ /de 'jig rten gyi chos thams cad las rnam par 'das te/ gnyis su dmigs pa'i sems dang bral zhing gnyis su med pa'i chos rtogs pa'i phyir khengs par yang mi byed/
94b₂ 'dud par yang mi byed/ sdud par yang mi byed/ khong khro ba yang mi byed/ gnod par yang mi byed/ kun nas gnod par yang mi byed/ rlom sems su yang mi byed/ bag med par yang mi byed/ kun nas bag med par yang mi byed do/ /
94b₃ sems can thams cad yongs su smin par bya ba'i phyir lta ba gnyis su ltung ba'i sems can rnams kyi don du snying rje chen po skyed nas ched du bsam nas srid pa nye bar len te/ tshangs pa gang 'di bdag med pa'i bzod pa rab tu thob pas sems can
94b₄ thams cad la snying rje chen po bskyed de/ skye ba yongs su 'dzin pa 'di ni brtson 'grus rtsom pa'i mchog yin no/ /brtson 'grus brtsam pa bstan pa 'di bshad pa'i tshe byang chub sems dpa' stong phrag brgyad mi skye ba'i chos la bzod pa skyes par
94b₅ gyur te/ de dag thams cad kyang bcom ldan 'das kyis thams cad ming gcig tu de bzhin gshegs pa brtson 'grus brtan pa zhes bya bar sangs rgyas kyi zhing tha dad par byang chub mngon par rdzogs par 'tshang rgya bar 'gyur ro/ /zhes lung bstan to/ /
94b₆ de nas 'khor der tshe dang ldan pa 'od srung chen po 'dug par gyur pa des bcom ldan 'das la 'di skad ces gsol to/ /bcom ldan 'das 'di lta ste dper na/ gang klu chen po de dag ni char 'bebs na rgya mtsho chen por 'bebs te/ sa phyogs gzhan du ma
94b₇ lags so/ /bcom ldan 'das de bzhin du skyes bu dam pa klu chen po dang mtshungs pa 'di dag kyang chos kyi char 'di 'dra ba 'di skyes bu dam pa mtsho chen po rgya mtsho lta bu 'di dag gi sems kyi rgyud la 'bebs te/ sems can gzhan dag la ni ma lags so/ /
94b₈ bcom ldan 'das kyis bka' stsal pa/ 'od srung ji skad zer ba de bzhin yin mod kyi klu'i rgyal po chen po de dag la ni gang gi phyir 'dzam bu gling 'dir char pa mi 'bebs par 'gyur ba'i ser sna med do/ /de ci'i phyir zhe na/ 'dzam bu gling gi phyogs

_{iiif viewer powered by OpenSeadragon}

94a - 95a

Texts on this page